പ്രധാനമന്ത്രി നരേന്ദ്ര മോദി യുഎസ് സന്ദര്ശിക്കാനിരിക്കെ സുപ്രധാന പ്രഖ്യാപനവുമായി യുഎസ്... ഗ്രീന് കാര്ഡ് കാര്ഡ് യോഗ്യതാ മാനദണ്ഡങ്ങളില് ഇളവ്
പ്രധാനമന്ത്രി നരേന്ദ്ര മോദി യുഎസ് സന്ദര്ശിക്കാനിരിക്കെ സുപ്രധാന പ്രഖ്യാപനവുമായി യുഎസ്... ഗ്രീന് കാര്ഡ് കാര്ഡ് യോഗ്യതാ മാനദണ്ഡങ്ങളില് ഇളവ്.
ജോലി ചെയ്യുന്നതിനും, യുഎസില് തുടരാനുമുള്ള യോഗ്യതാ മാനദണ്ഡങ്ങളിലാണ് ഇളവ് വരുത്തിയത്. നിരവധി ഐടി പ്രഫഷണലുകളാണ് ഗ്രീന് കാര്ഡിനായി കാത്തിരിക്കുന്നത്. എംപ്ലോയ്മെന്റ് ഓതറൈസേഷന് ഡോക്യുമെന്റ് അപേക്ഷകള്ക്കുള്ള യോഗ്യതാ മാനദണ്ഡങ്ങളിലും യുഎസ് സിറ്റിസണ്ഷിപ്പ് ആന്ഡ് ഇമിഗ്രേഷന് സര്വീസസ് പുറപ്പെടുവിച്ച മാര്ഗനിര്ദേശത്തിലുമാണ് മാറ്റമുള്ളത്.
കുടിയേറ്റ നിയമപ്രകാരം വര്ഷത്തില് 1.40 ലക്ഷം ഗ്രീന്കാര്ഡുകളാണ് യുഎസ് അനുവദിക്കാറുള്ളത്. എന്നാല് ഓരോ വര്ഷവും ഒരേ രാജ്യത്ത് നിന്നുള്ള ഏഴു ശതമാനം വ്യക്തികള്ക്കാണ് ഗ്രീന്കാര്ഡ് ലഭിക്കാറുള്ളത്.
യുഎസ് പാര്ലമെന്റ് സംയുക്ത സമ്മേളനത്തെ അഭിസംബോധന ചെയ്തു സംസാരിക്കുന്നതിനായി പ്രധാനമന്ത്രി നരേന്ദ്ര മോദി ജൂണ് 21 മുതല് 24 വരെയാണ് യുഎസ് സന്ദര്ശിക്കുക. 22ന് യുഎസ് പ്രസിഡന്റ് ജോ ബൈഡനും പത്നി ജില് ബൈഡനും മോദിക്ക് വിരുന്ന് നല്കുകയും ചെയ്യും.
https://www.facebook.com/Malayalivartha
