ഇസ്രായേല്- ഹമാസ് സംഘര്ത്തില് കൊല്ലപ്പെട്ടവരുടെ എണ്ണം 1600 കടന്നു....ഗാസയില് രാത്രി മുഴുവന് വ്യോമാക്രമണം നടന്നു, 30 ലെറെ ഇസ്രയേല് പൗരന്മാര് ബന്ദികളാണെന്നും സ്ഥിരീകരിച്ച് ഇസ്രയേല്
ഇസ്രായേല്- ഹമാസ് സംഘര്ത്തില് കൊല്ലപ്പെട്ടവരുടെ എണ്ണം 1600 കടന്നു. 900 ഇസ്രായേലികള്ക്കും 700 ഗാസ നിവാസികള്ക്കുമാണ് ജീവന് നഷ്ടമായത്. ഗാസയില് രാത്രി മുഴുവന് വ്യോമാക്രമണം നടന്നു. ഇതുവരെ ഹമാസിന്റെ 1290 കേന്ദ്രങ്ങളില് ബോംബ് ഇട്ടതായി ഇസ്രയേല് സൈന്യം സ്ഥിരീകരിച്ചു. 30 ലെറെ ഇസ്രയേല് പൗരന്മാര് ബന്ദികളാണെന്നും ഇസ്രയേല് സ്ഥിരീകരിച്ചു.
ലെബനന് അതിര്ത്തിയിലും ഏറ്റുമുട്ടല് ആരംഭിച്ചു. ഹിസ്ബുല്ലയുടെ ഏഴ് പേരെ കൊലപ്പെടുത്തിയെന്നും ആറു ഇസ്രയേലികള്ക്ക് പരിക്കേറ്റതായുമാണ് വിവരം.ഗാസയില് ഇസ്രായേല് വ്യോമാക്രമണം തുടര്ന്നാല് ഇപ്പോള് ബന്ദികളാക്കിയിട്ടുള്ളവരെ പരസ്യമായി കൊലപ്പെടുത്തുമെന്നാണ് ഹമാസിന്റെ മുന്നറിയിപ്പ്. ഹമാസ് ആക്രമികള് ഇപ്പോഴും ഇസ്രായേലില് ഉണ്ടെന്ന് പ്രധാനമന്ത്രി ബെഞ്ചമിന് നെതന്യാഹു ടെലിവിഷന് അഭിസംബോധനയില് സമ്മതിച്ചു. ഇപ്പോള് ഗാസയില് നടത്തിയ വ്യോമാക്രണങ്ങള് തുടക്കം മാത്രമാണെന്നും ആവര്ത്തിച്ച് നെതന്വാഹു .
ഇതിനിടെ 11 അമേരിക്കന് പൗരന്മാര് ഹമാസ് ആക്രണത്തില് കൊല്ലപ്പെട്ടതായി യുഎസ് പ്രസിഡന്റ് ജോ ബൈഡന് സ്ഥിരീകരിച്ചു.ആക്രമത്തെ ശക്തമായി അപലപിച്ച ബൈഡന്, അമേരിക്ക ഇസ്രായേലിനൊപ്പമാണെന്നും ആവശ്യമുള്ള എന്ത് സഹായവും ലഭ്യമാക്കുമെന്നും ആവര്ത്തിച്ചു.
അതേസമയം ഇസ്രയേല് ഹമാസ് സംഘര്ഷത്തില് സാധാരണ പൗരന്മാര് കൊല്ലപ്പെടുന്നതില് നടുക്കം രേഖപ്പെടുത്തി യുഎഇ. ഇസ്രയേലി ഗ്രാമങ്ങളും നഗരങ്ങളും ജനവാസ കേന്ദ്രങ്ങളും റോക്കറ്റുകളുപയോഗിച്ച് ആക്രമിച്ച ഹമാസ് നടപടി സംഘര്ഷങ്ങളുടെ തീവ്രത കൂട്ടിയെന്ന് യുഎഇ വിദേശകാര്യ മന്ത്രാലയം. ഇസ്രയേലിലെ സാധാരണക്കാരെ ഹമാസ് ബന്ദികളാക്കിയെന്ന റിപ്പോര്ട്ടുകള് ഞെട്ടലുണ്ടാക്കിയെന്നും പ്രസ്താവനയിലുണ്ട്. ചര്ച്ചകളിലേക്ക് മടങ്ങിപ്പോവുകയും, ശാശ്വത പരിഹാരം കാണലും മാത്രമാണ് പോംവഴിയെന്നാണ് യുഎഇയുടെ നിലപാട്.
"
https://www.facebook.com/Malayalivartha
