ഹമാസ് തലവന്മാര് ഉപയോഗിച്ചിരുന്ന, ഖാന് യൂനിസിന് താഴെയുള്ള ഒരു കിലോമീറ്ററിലധികം നീളമുള്ള തുരങ്കം, നശിപ്പിച്ച് യഹലോം യൂണിറ്റ്; ഹമാസ് ഭീകരരെ, കൊലപ്പെടുത്തിയതായി അവകാശപ്പെട്ടത് ഐഡിഎഫ്....
ഹമാസ് തലവന്മാര് ഉപയോഗിച്ചിരുന്ന, ഖാന് യൂനിസിന് താഴെയുള്ള ഒരു കിലോമീറ്ററിലധികം നീളമുള്ള തുരങ്കം കോംബാറ്റ് എഞ്ചിനീയര്മാര് നശിപ്പിച്ചതായി അവകാശപ്പെട്ട് ഇസ്രായേല് പ്രതിരോധ സേന. എലൈറ്റ് യഹലോം കോംബാറ്റ് എഞ്ചിനീയറിംഗ് യൂണിറ്റില് നിന്നുള്ള സൈന്യം തുരങ്കം റെയ്ഡ് ചെയ്യുകയും സ്ഫോടന വാതിലുകളും മറ്റ് തടസ്സങ്ങളും തകര്ക്കുകയും ഹമാസ് ഭീകരരെ, കൊലപ്പെടുത്തിയതായും ബുധനാഴ്ച സൈന്യം അറിയിക്കുകയായിരുന്നു.
ഇലക്ട്രിക്കല് ടണല്, വാട്ടര് ഇന്ഫ്രാസ്ട്രക്ചര്, അടുക്കളകള്, ടോയ്ലറ്റുകള്, ലിവിംഗ് ക്വാര്ട്ടേഴ്സ് എന്നിവ നിര്മ്മിക്കാനായി ദശലക്ഷക്കണക്കിന് ഷെക്കല് ചെലവഴിച്ചതായി IDF പറയുന്നു. ഹമാസിന്റെ മുതിര്ന്ന വ്യക്തികളും ഭീകര സംഘടനയായ ഖാന് യൂനിസ് ബ്രിഗേഡിലെ അംഗങ്ങളും ഇത് ഉപയോഗിച്ചിരുന്നു. ഗാസയിലെ രണ്ടാമത്തെ വലിയ നഗരമാണ് ഖാന് യൂനിസ്, ഹമാസ് നേതാവ് യഹ്യ സിന്വാറിന്റെ സ്വകാര്യ ശക്തി കേന്ദ്രമാണ് ഇത്.
കമാന്ഡ് ആന്ഡ് കണ്ട്രോള് സൈറ്റുകള്, ആയുധ നിര്മ്മാണത്തിനുള്ള സൗകര്യങ്ങള്, ഹമാസ് നേതാക്കളെയും ബന്ദികളെയും പാര്പ്പിച്ചിരിക്കുന്ന താമസ സ്ഥലങ്ങള് എന്നിവ ഉള്ക്കൊള്ളുന്ന ഗാസയിലെ മറ്റ് 11 പ്രധാന തുരങ്കങ്ങള് നശിപ്പിക്കുന്നതില് യഹലോം യൂണിറ്റ് പങ്കെടുത്തിട്ടുണ്ട്. നിരവധി ചെറിയ ഷാഫ്റ്റുകളും യൂണിറ്റ് നശിപ്പിച്ചിട്ടുണ്ട്.
അതിനിടെ, ഖാന് യൂനിസില് സൈനികര് തങ്ങളുടെ പ്രവര്ത്തനങ്ങള് ശക്തമാക്കിയതിനെ തുടര്ന്ന് ഭീകരരെ വധിച്ചതായും ഐഡിഎഫ് അവകാശപ്പെട്ടു.
നഗരത്തിന്റെ കിഴക്കന് ഭാഗത്ത് ഇസ്രായേലിന്റെ ഗിവാറ്റി ബ്രിഗേഡില് നിന്നുള്ള സൈന്യം ഏകദേശം 20 ഭീകരരെ വധിച്ചതായാണ് റിപ്പോര്ട്ട്. ഖാന് യൂനിസിലെ പാരാട്രൂപ്പര് സേന, സ്നൈപ്പര് വെടിവയ്പ്പില് തങ്ങളെ സമീപിച്ച രണ്ട് സായുധ ഭീകരരെ വധിച്ചതായും സൈന്യം പറഞ്ഞു.
https://www.facebook.com/Malayalivartha
