ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു ഹെർണിയ ഓപ്പറേഷന് വിധേയനായിരുന്നു. അദ്ദേഹം സുഖം പ്രാപിച്ചുവരികയാണെന്ന് ഹഡാസ്സ മെഡിക്കൽ സെൻ്റർ-ഐൻ കെറെം അധികൃതർ അറിയിച്ചു. ആശുപത്രി പുറത്തുവിട്ട വീഡിയോ ക്ലിപ്പിൽ, ശസ്ത്രക്രിയ വിജയകരമാണെന്നും നെതന്യാഹു കുടുംബവുമായി സംസാരിക്കുകയാണെന്നും ആശുപത്രി ജനറൽ സർജറി ഡയറക്ടർ പറഞ്ഞു.

അദ്ദേഹത്തിന്റെ ആരോഗ്യ സ്ഥിതി മികച്ചതന്നെന്നും സർജറി ഡയറക്ടർ വ്യക്തമാക്കി.74 കാരനായ നെതന്യാഹുവിൻ്റെ ഹൃദയമിടിപ്പിൽ ക്രമക്കേടുണ്ടെന്ന് ഡോക്ടർമാർ കണ്ടെത്തി.ഇതേ തുടർന്ന് നെഞ്ചിൽ പേസ്മേക്കർ ഘടിപ്പിച്ചിരുന്നു.ശസ്ത്രക്രിയാ സംഘത്തിൽ കാർഡിയോളജിസ്റ്റും ഉണ്ടായിരുന്നുവെന്ന് ആശുപത്രി അധികൃതർ പറഞ്ഞു.

പതിവ് പരിശോധനയ്ക്കിടെയായിരുന്നു ഹെർണിയ കണ്ടെത്തിയതെന്ന് പ്രധാനമന്ത്രിയുടെ ഓഫീസ് അറിയിച്ചു. നെതന്യാഹു പൂർണ അനസ്തേഷ്യയിലായിരുന്നപ്പോൾ ഉപപ്രധാനമന്ത്രിയും നീതിന്യായ മന്ത്രിയുമായ യാരിവ് ലെവിൻ താൽക്കാലിക പ്രധാനമന്ത്രിയായി സേവനമനുഷ്ഠിച്ചത്.