ആകാംക്ഷയോടെ ലോകം.... സമ്പൂര്‍ണ സൂര്യഗ്രഹണം ഇന്ന്... സമ്പൂര്‍ണ ഗ്രഹണം ദൃശ്യമാകുന്ന ഇടങ്ങളില്‍ പുലര്‍ച്ചെയും സന്ധ്യയ്ക്കും കാണപ്പെടും പോലെ ആകാശം ഇരുളും. ഈസ്റ്റേണ്‍ ഡേലൈറ്റ് ടൈം അഥവാ ഇ.ഡി.ടി പ്രകാരം രാവിലെ 11.42 മുതല്‍ വൈകിട്ട് 4.52 വരെയാണ് സൂര്യഗ്രഹണം.

ഇന്ത്യന്‍ സമയം അനുസരിച്ച് ഇന്നു രാത്രി 9.13 മുതല്‍ നാളെ പുലര്‍ച്ചെ 2.22 വരെയാണിത്. യു.എസ്, മെക്‌സിക്കോ, കാനഡ എന്നിവിടങ്ങളിലാണ് സമ്പൂര്‍ണ ഗ്രഹണം ദൃശ്യമാകുക. ഇന്ത്യ അടക്കം ഏഷ്യന്‍ രാജ്യങ്ങളില്‍ കാണാന്‍ കഴിയില്ല. ചന്ദ്രന്‍ ഭൂമിക്കും സൂര്യനുമിടയിലൂടെ കടന്നുപോകുമ്പോഴാണ് സൂര്യഗ്രഹണം സംഭവിക്കുന്നത്. ചന്ദ്രന്‍ സൂര്യനാല്‍ പൂര്‍ണമായും മറയ്ക്കപ്പെടുമെന്നതാണ് സമ്പൂര്‍ണ സൂര്യഗ്രഹണത്തിന്റെ സവിശേഷത.

ഇന്നത്തെ പൂര്‍ണ ഗ്രഹണ ഘട്ടം 4 മിനിട്ടും 28 സെക്കന്‍ഡും നീണ്ടുനില്‍ക്കും. മെക്‌സിക്കോയിലെ നസാസ് പട്ടണത്തിലാണ് ഈ ഘട്ടം ആദ്യം ദൃശ്യമാകുന്നത്.

ഇന്ത്യന്‍ സമയം, രാത്രി 11.47. അമേരിക്കന്‍ സ്‌പേസ് ഏജന്‍സിയായ നാസ ഇന്ത്യന്‍ സമയം രാത്രി 10.30 മുതല്‍ ഗ്രഹണം തത്സമയം സംപ്രേക്ഷണം ചെയ്യുകയും ചെയ്യും. സമ്പൂര്‍ണ ഗ്രഹണം ദൃശ്യമാകുന്ന ഇടങ്ങളില്‍ പുലര്‍ച്ചെയും സന്ധ്യയ്ക്കും കാണപ്പെടും പോലെ ആകാശം ഇരുളും.

കൊളംബിയ, വെനസ്വേല, പടിഞ്ഞാറന്‍ ബ്രിട്ടന്‍, പോര്‍ച്ചുഗല്‍, ഐസ്ലന്‍ഡ് തുടങ്ങിയവയുടെ ഭാഗങ്ങളില്‍ സൂര്യഗ്രഹണം ഭാഗികമായി ദൃശ്യമാകുകയും ചെയ്യും.


അതേസമയം അടുത്ത സമ്പൂര്‍ണ സൂര്യഗ്രഹണം 2026 ഓഗസ്റ്റ് 12നാണ് . റഷ്യ, സ്‌പെയിന്‍, ഗ്രീന്‍ലന്‍ഡ്, ഐസ്ലന്‍ഡ്, പോര്‍ച്ചുഗല്‍, എന്നിവിടങ്ങളിലാണ് ഇത് ദൃശ്യമാകുന്നത്.