അനധികൃതമായി രാജ്യാന്തര അതിർത്തി കടക്കാൻ ശ്രമിക്കുന്നതിനിടെ പാക്കിസ്ഥാൻ സ്വദേശിയായ യുവാവ് അറസ്റ്റിൽ. പഞ്ചാബിലെ ഗുരുദാസ്പൂരിലാണ്  പഞ്ചാബ് പൊലീസ് പ്രതിയെ പിടികൂടിയത്. ഹുസ്നൈൻ  എന്നയാളാണ് അറസ്റ്റിലായത്.  ഇതുവരെ  തീവ്രവാദ ബന്ധമൊന്നും കണ്ടെത്തിയിട്ടില്ലെന്ന്  പൊലീസ് പറഞ്ഞു.   ഇയാളിൽ‌നിന്നും പാക്കിസ്ഥാന്റെ ദേശീയ തിരിച്ചറിയൽ കാർഡ് പിടിച്ചെടുക്കുകയും ചെയ്തു. രാത്രിയോടെയായിരുന്നു ഹുസ്നൈൻ അതിർത്തി കടക്കാൻ ശ്രമിച്ചത് .

 
ഹുസ്നൈന്റെ കയ്യിൽ  40 രൂപയ്ക്ക് തുല്യമായ പാക്കിസ്ഥാൻ കറൻസി ഉണ്ടായിരുന്നു. ഇയാൾ മാനസിക വെല്ലുവിളി നേരിടുന്നയാളാണെന്നും പഞ്ചാബ് പൊലീസ് വ്യക്തമാക്കി.  രാജ്യാന്തര അതിർത്തിക്ക് സമീപം അലഞ്ഞുനടക്കുകയായിരുന്നു   ഇയാൾ  എന്നും പഞ്ചാബ് പൊലീസ് അറിയിച്ചു. അനധികൃതമായാണ് ഇയാൾ ഇന്ത്യയിലേക്ക് കടന്നത്.