അമേരിക്കയും ഇസ്രയേലും ഇറാനെതിരെ യുദ്ധം ആരംഭിച്ചതിനുശേഷം നാല് യുഎസ് സൈനികര്‍ കൊല്ലപ്പെട്ടുവെന്ന് അമേരിക്കന്‍ സെന്‍ട്രല്‍ കമാന്‍ഡ്. മൂന്ന് പേരായിരുന്നു ഇന്നലെ കൊല്ലപ്പെട്ടത്. പരുക്കേറ്റവരില്‍ നാലാമത്തെ അമേരിക്കന്‍ സൈനികന്‍ കൂടി ഇന്ന് മരിച്ചു.ഇറാനെതിരെ ആക്രമണം ആരംഭിച്ചതിനുശേഷം ഇതുവരെ കൊല്ലപ്പെട്ടത് 4 അമേരിക്കന്‍ സൈനികരാണ്. ഇറാന്റെ ആക്രമണത്തില്‍ ഗുരുതരമായി പരിക്കേറ്റ നാലാമത്തെ സൈനികനും ഇന്ന് മരണത്തിന് കീഴടങ്ങിയെന്ന് യുഎസ് സെന്റ്‌കോം അറിയിച്ചു.

'ഇറാന്റെ പ്രാരംഭ ആക്രമണങ്ങളില്‍ ഗുരുതരമായി പരുക്കേറ്റ നാലാമത്തെ സൈനികന്‍ ഒടുവില്‍ മരണമടഞ്ഞു. പ്രധാന പോരാട്ട പ്രവര്‍ത്തനങ്ങള്‍ തുടരുന്നു, ഞങ്ങളുടെ പ്രതികരണ ശ്രമം തുടരുകയാണ്' എന്ന് സെന്റ്‌കോം കൂട്ടിച്ചേര്‍ത്തു. കഴിഞ്ഞ മൂന്ന് ദിവസത്തിനിടെ കൊല്ലപ്പെട്ട അമേരിക്കന്‍ സൈനികരുടെ വിവരങ്ങള്‍ അവരുടെ കുടുംബങ്ങളെ അറിയിക്കുമെന്ന് സൈന്യം അറിയിച്ചു.