ഈ മാസം ഇരുപതിന് ദില്ലിയിലെ വസന്ത് കുഞ്ജില്‍ കോംഗോ സ്വദേശിയായ യുവാവിനെ ഒരു സംഘം മര്‍ദ്ദിച്ച് കൊലപ്പെടുത്തിയതില്‍ പ്രതികാരം ചെയ്യാന്‍ കോംഗോ സ്വദേശികള്‍. കുറ്റവാളികള്‍ക്കെതിരെ ഇന്ത്യ ശക്തമായ നടപടി സ്വീകരിക്കുന്നില്ലെന്ന് ആരോപിച്ച് കോംഗോ തലസ്ഥാനമായ കിന്‍ഷാസയില്‍ നടന്ന പ്രതിഷേധ റാലിയാണ് അക്രമാസക്തമായത്. 

അയ്യായിരത്തിലധികം ഇന്ത്യക്കാരുള്ള കിന്‍ഷാസ നഗരത്തിലെ ഇന്ത്യക്കാരുടെ സ്ഥാപനങ്ങള്‍ക്ക് നേരെ പ്രതിഷേധക്കാര്‍ ആക്രമണമഴിച്ചുവിട്ടു. അക്രമത്തില്‍ ഇന്ത്യക്കാര്‍ക്ക് പരിക്കേറ്റതായി വിദേശകാര്യമന്ത്രാലയം സ്ഥിരീകരിച്ചു.
സ്ഥിതി കോംഗോയിലെ ഇന്ത്യന്‍ എംബസി നിരീക്ഷിച്ചുവരികയാണെന്നും ഇന്ത്യന്‍ പൗരന്മാരുടെ സുരക്ഷ ഉറപ്പാക്കാനുള്ള നടപടികള്‍ സ്വീകരിച്ചിട്ടുണ്ടെന്നും വിദേശകാര്യമന്ത്രാലയ വക്താവ് വികാസ് സ്വരൂപ് വ്യക്തമാക്കി. 

കോംഗോളീസ് യുവാവിന്റെ കൊലപാതകത്തില്‍ പ്രതിഷേധിച്ച് കേന്ദ്ര സര്‍ക്കാര്‍ സംഘടിപ്പിക്കുന്ന ആഫ്രിക്കന്‍ ദിനാഘോഷത്തില്‍ പങ്കെടുക്കില്ലെന്ന് ഇന്ത്യയിലെ ആഫ്രിക്കന്‍ രാജ്യങ്ങളുടെ അംബാസഡര്‍മാര്‍ വിദേശകാര്യമന്ത്രാലയത്തെ അറിയിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha