അറഫത്തിന്റെ മരണം സ്വാഭാവികമെന്ന് ഫോറന്സിക് റിപ്പോര്ട്ട്
പലസ്തീന് വിമോചന നേതാവ് യാസര് അറഫത്തിന്റെ മരണം സ്വാഭാവിക മരണമാണെന്ന് ഫ്രഞ്ച് ഫോറന്സിക് റിപ്പോര്ട്ട്. വിഷാംശം ഉള്ളില് ചെന്നതായി കണ്ടെത്താന് സാധിച്ചില്ലെന്നും റിപ്പോര്ട്ടില് പറയുന്നു.
നേരത്തെ അറഫത്തിന്റെ മരണത്തില് ദുരൂഹതയുണ്ടെന്ന് ആരോപിച്ച് ഭാര്യ സുഹ രംഗത്തെത്തിയിരുന്നു. ഇതിനെ തുടര്ന്ന് അറഫത്തിന്റെ ഭൗതിക ശരീരം വീണ്ടും പോസ്റ്റ് മോര്ട്ടം നടത്തുകയായിരുന്നു. ഈ പരിശോധനയില് അറാഫത്തിന്റെ ഭൗതിക ശരീരത്തില് ഉയര്ന്ന അളവില് റേഡിയോ ആക്ടീവ് പൊളോണിയം കണ്ടെത്തി. എന്നാല് ഇതെല്ലാം ഫ്രഞ്ച് ഫോറന്സിക് വിഭാഗം തള്ളി.
അതേസമയം റിപ്പോര്ട്ടിനെ ചോദ്യം ചെയ്ത് സുഹ വീണ്ടും രംഗത്തെത്തി.കേസുമായി ഇനി കോടതിക്കുമുന്നിലേക്കാണ് പോകുന്നതെന്ന് സുഹ അറിയിച്ചു.
2014 നവംബര് 14 നായിരുന്നു അറഫത്തിന്റെ മരണം.പാരീസിലെ സൈനിക ആശുപത്രിയില് വെച്ചാണ് മരണം നടന്നത്. രക്തത്തിലെ അണുബാധയെ തുടര്ന്നുണ്ടായ മസ്തിഷ്ക ആഘാതമാണ് മരണ കാരണം എന്നാണ് അന്ന് ആശുപത്രി വൃത്തങ്ങള് അറിയിച്ചത്.
എന്നാല് അറഫത്തിന്റെ ശരീരത്തില് റേഡിയോ ആക്ടീവ് പദാര്തഥമായ പൊളോണിയം ഉണ്ടെന്നും അതാണ് മരണകാരണമെന്നുമാണ് 2012 ല് പുറത്തുവന്ന റിപ്പോര്ട്ട്. അല്ജസീറ ടെലിവിഷനാണ് ഈ റിപ്പോര്ട്ട് പുറത്തുവിട്ടത്.
https://www.facebook.com/Malayalivartha
