എത്ര സുരക്ഷിതമായി കൈകാര്യം ചെയ്യുന്ന അക്കൗണ്ടായാലും ഹാക്കര്‍മാര്‍ക്ക് അത് തുറക്കാന്‍ നിസ്സാരമാണെന്നാണ് ഇതുവരെയുള്ള സംഭവങ്ങള്‍ വ്യക്തമാകുന്നത്. ഇപ്പോള്‍ അമേരിക്കന്‍ ബഹിരാകാശ ഏജന്‍സിയായ നാസയുടെ ഔദ്യോഗിക ട്വിറ്റര്‍ അക്കൗണ്ട് ഹാക്ക് ചെയ്യപ്പെട്ടു.

2009 ല്‍ നാസ വിക്ഷേപിച്ച കെപ്ലര്‍, കെ2 എന്നീ ബഹീരാകാശ പേടകത്തിന്റെ വിവരങ്ങള്‍ ഷെയര്‍ ചെയ്യുന്ന അക്കൗണ്ടാണു ഹാക്ക് ചെയ്തിരിക്കുന്നത്. അക്കൗണ്ടിന്റെ പ്രൊഫൈല്‍ ചിത്രം മാറ്റി അര്‍ദ്ധനഗ്‌നയായ യുവതിയുടെ ചിത്രം അപ്ലോഡ് ചെയ്തതോടെയാണു വിവരം പുറത്തറിഞ്ഞത്.

ഹാക്കര്‍മാര്‍ അക്കൗണ്ടിന്റെ പേരുമാറ്റുകയും അശ്ലീല ചിത്രങ്ങള്‍ ട്വീറ്റ് ചെയ്യുകയും ചെയ്തു. കൂടാതെ അശ്ലീല വെബ് സൈറ്റിലേയ്ക്കുള്ള വീഡിയോ ലിങ്കും ചിത്രത്തോടൊപ്പം ട്വീറ്റ് ചെയ്തിരുന്നു. വിവരമറിഞ്ഞ നാസ ആദ്യം അക്കൗണ്ട് മരവിപ്പിക്കുകയും പിന്നീട് പുന:സ്ഥാപിക്കുയും ചെയ്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha