റിയോ ഒളിംപിക്സിന്റെ ആദ്യദിവസമായ ഇന്ന് 21 ഇനങ്ങളില് മല്സരങ്ങള്, 12 ഇനങ്ങളില് ഇന്ത്യന് താരങ്ങള് മത്സരിക്കും
റിയോ ഡി ജനീറോന്മ റിയോ ഒളിംപിക്സിന്റെ ആദ്യദിവസമായ ഇന്ന് 21 ഇനങ്ങളിലാണു മല്സരങ്ങള് നടക്കുന്നത്. ഇതില് ഏഴു മെഡല് പോരാട്ടങ്ങളുണ്ട്. 12 ഇനങ്ങളിലാണ് ഇന്ത്യന് താരങ്ങള് മല്സരിക്കുന്നത്. അമ്പെയ്ത്ത്, ഭാരോദ്വഹനം, ഷൂട്ടിങ്, നീന്തല്, ജൂഡോ, ഫെന്സിങ്, സൈക്ലിങ് എന്നിവയിലാണ് ഇന്നത്തെ മെഡല്പോരാട്ടങ്ങള്. ഷൂട്ടിങ്, ടെന്നിസ്, ഹോക്കി, ഭാരോദ്വഹനം എന്നിവയില് ഇന്ത്യന് താരങ്ങള് മല്സരത്തിനിറങ്ങും.
ആദ്യ ദിനം ഷൂട്ടിങ്ങിലാണ് ഇന്ത്യയുടെ മെഡല് പ്രതീക്ഷ. പുരുഷവിഭാഗം 10 മീറ്റര് എയര് റൈഫിളില് ജീത്തുറായി ഇന്ത്യന് പ്രതീക്ഷയുടെ കൊടിയേന്തും. ഗുര്പ്രീത് സിങ്ങും മല്സരിക്കുന്നുണ്ട്. വനിതാവിഭാഗത്തില് അപൂര്വി ചന്ദേലയും അയോണിക പോളും മല്സരിക്കും. പുരുഷ ടെന്നിസ് ഡബിള്സില് രോഹന് ബൊപ്പണ്ണ ലിയാന്ഡര് പേസ് സഖ്യവും വനിതാ ഡബിള്സില് സാനിയ മിര്സ പ്രാര്ഥനാ തോംബാര് സഖ്യവുമാണ് ഇന്ത്യയുടെ ഗ്ലാമര് ഹൈലൈറ്റ്സ്. ഭാരോദ്വഹനത്തില് മീരാഭായ് ചാനുവും വനിതകളുടെ ടേബിള് ടെന്നിസില് മൗമ ദാസും മണിക് ബത്രയും മല്സരിക്കും. പുരുഷവിഭാഗം ടേബിള് ടെന്നിസില് ശരത് കമലും സൗമ്യജിത് ഘോഷും മല്സരിക്കും. റോവിങ്ങില് ബാബന് ദത്തുവും ഇന്ത്യയ്ക്കായി തുഴയെറിയും.
https://www.facebook.com/Malayalivartha
