അനിയത്തിക്ക് അപവാദമായി ഒബാമയുടെ മൂത്തമകള് മലിയ
അമേരിക്കന് പ്രസിഡന്റ് ബറാക് ഒബാമയുടെ മൂത്തമകള് മലിയ കഞ്ചാവ് വലിക്കുന്നതെന്ന് അവകാശപ്പെടുന്ന പുതിയ വീഡിയോ വിവാദമായി. ബുധനാഴ്ച റഡാര് ഓണ്ലൈനില് പ്രത്യക്ഷപ്പെട്ട വീഡിയോയില് മലിയ സിഗരറ്റ് വലിക്കുന്ന ദൃശ്യമാണുള്ളത്. എന്നാല് ഇതു കഞ്ചാവ് വലിക്കുന്നതാണെന്ന ദൃക്സാക്ഷിയുടെ മൊഴിയുമായാണു വെബ് സൈറ്റ് വീഡിയോ പുറത്തുവിട്ടത്.
സംഭവം വിവാദമായതോടെ നിജസ്ഥിതി അറിയാന് ഒബാമ നേരിട്ട് ഇടപെട്ടതായി വിവരമുണ്ട്. സാധാരണ അമേരിക്കന് പ്രസിഡന്റുമാരുടെ മക്കളുമായി താരതമ്യം ചെയ്യുമ്പോള് കാര്യമായ പ്രശ്നമൊന്നും ഒബാമ മക്കള് ഉണ്ടാക്കിയിരുന്നില്ല. പ്രശസ്തിയുടെ വെള്ളിവെളിച്ചത്തില് നിന്നു ഒഴിഞ്ഞായിരുന്നു ഇവരുടെ നില്പ്.
ഷിക്കാഗോ സംഗീതോല്സവത്തിനിടെ നൃത്തം ചെയ്യുന്ന മലിയുടെ മറ്റൊരു വീഡിയോ കഴിഞ്ഞാഴ്ച പുറത്തു വന്നിരുന്നു. ജൂണില് സ്കൂള് പഠനം പൂര്ത്തിയാക്കിയ മലിയയ്ക്ക് ഹാര്വഡ് സര്വകലാശാലയില് പ്രവേശനം ലഭിച്ചെങ്കിലും അടുത്തവര്ഷമാണു കോളജില് ചേരുകയെന്നു വ്യക്തമാക്കിയിരുന്നു. അതേസമയം, ഒബാമയുടെ ഇളയ മകള് സാഷ(15) വേനലവധിയില് മാസച്യൂസിറ്റ്സിലെ ഒരു റസ്റ്ററന്റില് ജോലിയെടുക്കുന്നതിന്റെ ദൃശ്യങ്ങള് കഴിഞ്ഞാഴ്ച ട്വിറ്ററില് പ്രത്യക്ഷപ്പെട്ടതു വലിയ തരംഗമായിരുന്നു.
https://www.facebook.com/Malayalivartha
