ആഭ്യന്തരയുദ്ധം രൂക്ഷമായി തുടരുന്ന സിറിയയില്‍ റഷ്യ വ്യോമാക്രമണം ശക്തമാക്കുന്നു. ബുധനാഴ്ച നടന്ന വ്യോമാക്രമണത്തില്‍ 150 ഓളം ഐഎസ് ഭീകരര്‍ കൊല്ലപ്പെട്ടതായി റഷ്യന്‍ പ്രതിരോധ മന്ത്രാലയം അറിയിച്ചു.

ഭീകരരുടെ രണ്ടു താവളങ്ങള്‍ക്കു നേരെയാണ് വ്യോമാക്രമണം നടന്നത്. സുഖോയ്-34 യുദ്ധവിമാനങ്ങളാണ് ആക്രമണം നടത്തിയതെന്നും റഷ്യന്‍ സൈന്യം അറിയിച്ചു. സിറിയയിലെ ഐഎസ് മേഖലകളില്‍ ഇറാന്റെ പിന്തുണയോടെയാണ് റഷ്യ വ്യോമാക്രമണം ശക്തമാക്കിയിരിക്കുന്നത്.