സിം കാര്ഡുകളും സൈനിക വിന്യാസത്തിന്റെ വിവരങ്ങളടങ്ങിയ ഭൂപടവുമായി ജമ്മുകാശ്മീരില് പാക് ചാരന് പിടിയില്
വീണ്ടും അതിര്ത്തിയില് പാക് ചാരനെ പിടികൂടി. പാകിസ്ഥാനു വേണ്ടി ചാരപ്പണി നടത്തിയ ജമ്മു സ്വദേശിയെ ജമ്മു കശ്മീര് പൊലീസ് പിടികൂടി. ബോധ് രാജ് എന്ന ജമ്മു ജില്ലയിലെ അര്നിയ സെക്ടര് സ്വദേശിയാണ് പോലീസ് പിടിയിലായത്. ഇയാളില് നിന്ന് രണ്ട് സിം കാര്ഡുകളും സൈനിക വിന്യാസത്തിന്റെ വിവരങ്ങളടങ്ങിയ ഭൂപടവും കണ്ടെത്തി.
ബോധ് രാജിനെ ദിവസങ്ങളായി നിരീക്ഷിച്ചു വരികയാണെന്നും എന്തെല്ലാം വിവരങ്ങളാണ് ഇയാള് പാകിസ്ഥാന് കൈമാറിയതെന്നറിയാന് ചോദ്യം ചെയ്യുകയാണെന്നും പൊലീസ് അറിയിച്ചു.
കഴിഞ്ഞ ഓഗസ്റ്റില് രാജസ്ഥാനിലെ ജയ്സാല്മറില് വെച്ച് നന്ദ്ലാല് മഹാരാജ് എന്ന പാക് ചാരനെ പൊലീസ് അറസ്റ്റ് ചെയ്തിരുന്നു. പാക് ചാരസംഘടനയായ ഐ.എസ്.ഐയില് നിന്ന് പണവും ആര്.ഡി.എക്സ് ഉള്പ്പെടെയുള്ള സ്ഫോടക വസ്തുക്കളും ഇയാള് കൈപ്പറ്റിയിരുന്നു. രണ്ട് മൊബൈല് ഫോണുകളും ഭൂപടവും ഉള്പ്പെടെയാണ് 26കാരനായ ഇയാളെ പിടികൂടിയത്.
ഇന്ത്യപാക് വ്യാപാര കരാറിന്റെ ആനുകൂല്യത്തില് പാകിസ്ഥാനില് പട്ടുവസ്ത്ര വ്യാപാരം നടത്തുന്ന നന്ദ്ലാല്, അവിടെ വെച്ച് ഐ.എസ്.ഐയുമായി ബന്ധപ്പെടുകയായിരുന്നു എന്നാണ് സൂചന.
https://www.facebook.com/Malayalivartha
