കിടക്കയില്‍ നിന്നും വലിച്ചിട്ട് കഴുത്തില്‍ കത്തിവച്ച് മോഷണം നടത്തി കള്ളന്മാര്‍ ഭയപ്പെടുത്തിയതോടെ സ്വഭാവ ശുദ്ധി വരുത്താന്‍ കിം ഒരുങ്ങുന്നു. ഗ്ലാമറിന്റെയും ആഡംബരത്തിന്റെയും പ്രതിരൂപമായിരുന്ന കിം കര്‍ദാഷിയാന്‍ കാഴ്ചപ്പാടുകള്‍ മാറിയിരിക്കുകയാണെന്ന് കുടുംബം. കോടികള്‍ മുടക്കിയുള്ള ആഡംബര ജീവിതമായിരുന്നു കിമ്മിന്റെ പ്രത്യേകത. നഗ്‌നതാ പ്രദര്‍ശനത്തിലൂടെ ലോക ശ്രദ്ധ നേടിയ അമേരിക്കന്‍ ടെലിവിഷന്‍ റിയാലിറ്റി താരവും, നടിയും, ബിസ്സിനസ് കാരിയുമാണ് കിം. സ്വന്തം നഗ്‌നമേനി തുറന്നു കാണിക്കുന്നതില്‍ ഒട്ടും മടിയില്ലാത്ത കിം ഇപ്പോള്‍ തുണിയുടുത്ത് പരിശുദ്ധയാകുന്നെന്നു കുടുംബത്തില്‍ നിന്ന് തന്നെ അറിയിക്കുന്നു. കവര്‍ച്ചയ്ക്ക് ശേഷം പാരീസില്‍ ഏറ്റിരുന്ന മൂന്നു പരിപാടികളില്‍ മാത്രമേ താരം പങ്കെടുത്തുള്ളു. പിന്നീട് അമ്മയ്ക്കൊപ്പം താമസം തുടങ്ങി. സെക്സി ഫോട്ടോ ഷൂട്ട്, ആഡംബര വാഹനങ്ങള്‍ എന്നിവയും വേണ്ടെന്ന് വെച്ചിട്ടുണ്ട്. ആഡംബര ആഭരണങ്ങള്‍ക്ക് പകരം കഴുത്തില്‍ കുരിശു മാലയാണ് കിം ഇപ്പോള്‍ അണിയുന്നത്. മേനീ പ്രദര്‍ശനവും ആഡംബര ജീവിതവും നിര്‍ത്തി ആതുര സാമൂഹ്യ സേവനത്തിനു ഒരുങ്ങുകയാണ് കിം ഇപ്പോള്‍. കഴുത്തില്‍ കത്തി വച്ച കള്ളന്മാര്‍ മാറ്റിയ ജീവിത രീതിയില്‍ അത്ഭുതപ്പെട്ടിരിക്കുകയാണ് കിമ്മിന്റെ കുടുംബം.

പാരീസിലെ അപ്പാര്‍ട്ട്മെന്റില്‍ വച്ച് കിടക്കയില്‍ നിന്നും വലിച്ചുതാഴെയിട്ട ശേഷം തോക്ക് ചൂണ്ടി കൈകള്‍ വരിഞ്ഞുകെട്ടി വായില്‍ ടേപ്പ് ഒട്ടിച്ച് ബാത്ത് ടബ്ബിലേക്ക് താരത്തെ എടുത്തിട്ട ശേഷമായിരുന്നു അഞ്ചംഗമോഷണ സംഘം വന്‍ കവര്‍ച്ച നടത്തി മുങ്ങിയത്. കവര്‍ച്ചക്കാര്‍ 4.5 ദശലക്ഷം ഡോളര്‍ വരുന്ന കയ്യില്‍ കിടന്ന മോതിരം ഊരി വാങ്ങുകയും 6.7 ദശലക്ഷം ഡോളര്‍ വരുന്ന ആഭരണപ്പെട്ടി കവരുകയും ചെയ്തു. മണിക്കൂറുകള്‍ നീണ്ട മാനസീക പീഡനത്തിനും ഭീതിക്കും ശേഷം തന്റെ സ്വകാര്യ വിമാനത്തില്‍ താരം അമേരിക്കയിലെ വീട്ടിലേക്ക് മടങ്ങുകയും ചെയ്തിരുന്നു. പുലര്‍ച്ചെ നല്ല ഉറക്കത്തില്‍ കള്ളന്മാരുടെ കാലടിശബ്ദം കേട്ടാണ് താരം ഉണര്‍ന്നത്. സഹായത്തിനായി ആരെയെങ്കിലും വിളിക്കും മുമ്പ് തന്നെ കയ്യില്‍ നിന്നും ഫോണ്‍ തട്ടിപ്പറിച്ചു. കൊള്ളക്കാര്‍ ഫ്രഞ്ചിലായിരുന്നു സംസാരിച്ചിരുന്നത്. താന്‍ ബലാത്സംഗം ചെയ്യപ്പെടാന്‍ പോകുകയാണെന്നായിരുന്നു താരം ആദ്യം ഭയന്നത്. ഇടയ്ക്ക് റിംഗ് എന്ന് പറഞ്ഞത് തന്റെ 20 കാരറ്റ് മരതക മോതിരത്തെക്കുറിച്ചാണെന്ന് മനസ്സിലായെന്ന് താരം പറഞ്ഞു. സംഗതി എന്തൊക്കെയായാലും കിംമിന്റെ പുതിയ തീരുമാനം ആരാധകര്‍ക്ക് നിരാശയേക്കുമെന്നുറപ്പാണ്.