അറബ് റീഡിങ് ചലഞ്ചില് ആറു വയസുകാരന് അള്ജീരിയന് ബാലന് ഒരു കോടി രൂപയുടെ പുരസ്കാരം
ഈ വര്ഷത്തെ അറബ് റീഡിങ് ചലഞ്ചില് ഒന്നാം സ്ഥാനം ആറു വയസുകാരനായ അള്ജീരിയന് ബാലന് മുഹമ്മദ്ദ് ഫറായ്ക്ക്. ഒരു കോടി രൂപ വിലമതിക്കുന്ന പുരസ്കാരമാണ് മുഹമ്മദ്ദ് ഫറാ ദുബൈ ഭരണാധികാരിയില് നിന്നും ഏറ്റുവാങ്ങിയത്. 30 ലക്ഷം വിദ്യാര്ത്ഥികളെ പിന്തള്ളിയാണ് മികച്ച വായനയ്ക്കുള്ള പുരസ്കാര ബാലന് ഒന്നാം സമ്മാനം കരസ്ഥമാക്കിയത്. ദുബൈ ഓപേറ ഹസില് നടന്ന ചടങ്ങില് വെച്ച് ഫാറായ്ക്ക് അവാര്ഡ് നല്കി.
ഒന്നര ലക്ഷം ഡോളറാണ് ലഭിച്ചത്. ഇതില് ഒരു ലക്ഷം ഡോളര് സര്വകലാശാല സ്കോളര്ഷിപ്പായാണ് ലഭിക്കുക. അരലക്ഷം ഡോളര് അവാര്ഡായി ലഭിക്കും. അറബ് വായനയെ പ്രോത്സാഹിപ്പിക്കുക എന്ന ലക്ഷ്യവുമായാണ് ദുബൈ ഭരണാധികാരി ശൈഖ് മുഹമ്മദ് ബിന് റാശിദ് ആല് മുക്തൂം ഇത്തരമൊരു മത്സരം നടത്തിയത്. 18 പേരാണ് ഫൈനലിലേക്ക് മത്സരിച്ചത്.
50 ലേറെ പുസ്തകങ്ങള് വായിച്ച് അവയിലെ വിവരങ്ങള് ക്രോഡീകരിക്കാന് കഴിഞ്ഞവര് തമ്മിലായിരുന്നു ഫൈനലിലെ മത്സരം. മികച്ച വായനാപദ്ധതിക്കുള്ള പുരസ്കാരം ഫലസ്തീനിലെ തലായ് അല് അമല് സ്കൂള് ഏറ്റുവാങ്ങി. പദ്ധതിക്ക് മുന്നോടിയായി ഭരണാധികാരി 50 ലക്ഷം പുസ്തകങ്ങള് അറബ് രാജ്യങ്ങളില് വിതരണം ചെയ്തിരുന്നു.
https://www.facebook.com/Malayalivartha
