ഇസ്ലാമിക് റിപ്പബ്ലിക് ഓഫ് ഗാംബിയ ഹേഗ് ആസ്ഥാനമായി പ്രവര്‍ത്തിക്കുന്ന അന്താരാഷ്ട്ര ക്രിമിനല്‍ കോടതിയില്‍(ഐസിസി)നിന്ന് പിന്മാറുന്നതായി പ്രഖ്യാപിച്ചു. ആഫ്രിക്കകാരെ മാത്രം കുറ്റക്കാരായി കാണുന്ന കോടതിയുടെ നടപടി പ്രതിഷേധിച്ചാണ് ഗാംബിയ സര്‍ക്കാരിന്റെ തീരുമാനം. ഇക്കാര്യം പ്രത്യേകം പ്രത്യേകമായും മൊത്തത്തിലും അറിയിക്കുകയാണെന്ന് ഇന്‍ഫര്‍മേഷന്‍ മന്ത്രി ഷെരീഫ് ബോജാംഗ് പറഞ്ഞു.

കഴിഞ്ഞ വെള്ളിയാഴ്ച ദക്ഷിണഫ്രിക്കയും ഐസിസിയില്‍ നിന്ന് പിന്മാറിയിരുന്നു. യുദ്ധകുറ്റത്തില്‍ ഐസിസി അറസ്റ്റ് ചെയ്യാന്‍ നിര്‍ദേശം നല്‍കിയ സുഡാന്‍ പ്രസിഡന്റ് ഒമര്‍ അല്‍ ബഷീറിന് ആഫ്രിക്കന്‍ യൂണിയന്‍ ഉച്ചകോടിയില്‍ പങ്കെടുക്കാന്‍ ദക്ഷിണാഫ്രിക്ക അനുമതി നല്‍കിയിരുന്നു. ഇതിനെത്തുടര്‍ന്ന് കോടതിയും ദക്ഷിണാഫ്രിക്കയും തമ്മിലുള്ള ബന്ധം വഷളാവുകയായിരുന്നു.