മയക്കുമരുന്ന് കടത്ത് നടത്തിയ ഇന്ത്യന്‍ യുവതിയെ മലേഷ്യന്‍ ഹൈക്കോടതി തൂക്കിക്കൊന്നു. ഡല്‍ഹി സ്വദേശിനി സംഗീത എന്ന യുവതിയെയാണ് തൂക്കിക്കൊന്നത്. ഡല്‍ഹിയില്‍ ബ്യൂട്ടിപാര്‍ലര്‍ നടത്തിവരികയായിരുന്നു യുവതി.
2013 ഒക്‌ടോബര്‍ ഏഴിന് പെനാംഗ് ഇന്റര്‍നാഷണല്‍ എയര്‍പോര്‍ട്ടില്‍ വച്ചാണ് യുവതി അറസ്റ്റിലായത്. 1.6 കിലോ മയക്കുമരുന്നും യുവതിയില്‍ നിന്നും കണ്ടെടുത്തിരുന്നു. തുടര്‍ന്ന് 1952 ലെ നിയമ പ്രകാരം യുവതിയെ വധശിക്ഷയ്ക്ക് വിധിക്കുകയായിരുന്നു.
അതേസമയം, മലേഷ്യയിലേയ്ക്ക് വസ്ത്രങ്ങള്‍ കയറ്റി അയയ്ക്കുന്നതിനിടെ പരിചയത്തിലായ പ്രിന്‍സ് എന്ന നൈജീരിയക്കാരന്‍ അയാളുടെ സഹോദരന് നല്‍കാനായുള്ള സാധനങ്ങള്‍ സംഗീതയുടെ കൈയ്യില്‍ കൊടുത്തുവിടുകയായിരുന്നുവെന്നും സ്യൂട്ട്‌കേസില്‍ മയക്കുമരുന്നായിരുന്നു എന്ന് സംഗീതയ്ക്ക് അറിയില്ലായിരുന്നുവെന്നും റിപ്പോര്‍ട്ടുകള്‍ വന്നിരുന്നു.