ഷിക്കാഗോയില് പറന്നുയരാന് ശ്രമിച്ച വിമാനത്തിന് തീപിടിച്ചു, നിരവധിപേര്ക്ക് പരിക്ക്, വീഡിയോ
പറന്നുയരാന് ശ്രമിക്കുന്നതിനിടെ വിമാനത്തിന് തീപിടിച്ചത് യാത്രക്കാരെ പരിഭ്രാന്തരാക്കി. അപകടത്തില് ഇരുപത് പേര്ക്ക് പരിക്കേറ്റിട്ടുണ്ട്. ഷിക്കാഗോയിലെ ഒഹെയര് വിമാനത്താവളത്തില് വെള്ളിയാഴ്ചയാണ് സംഭവമുണ്ടായത്. ഷിക്കാഗോയില് നിന്നും മിയാമിയിലേക്ക് 161 യാത്രക്കാരും ഒമ്പത് ജീവനക്കാരുമായി പുറപ്പെടാന് ഒരുങ്ങവേ അമേരിക്കന് എയര്ലൈന്സിന്റെ ബോയിംഗ് 767 വിമാനത്തിനാണ് തീപിടിച്ചത്. പരിക്കേറ്റവരെ വിവിധ ആസ്പത്രികളില് പ്രവേശിപ്പിച്ചിരിക്കുകയാണ് ആസ്പത്രിയില് പ്രവേശിച്ചവര്ക്ക് നിസാര പരിക്കുകള് മാത്രമേയുള്ളൂവെങ്കിലും അപകടത്തിന്റെ കാരണം വ്യക്തമല്ല. പറന്നയുരാന് ശ്രമിക്കുന്നതിനിടെ വലത് വശത്തെ ഇന്ധന ടാങ്കിനടുത്താണ് തീപിടിച്ചത്.
തുടര്ന്ന് യാത്രാക്കാരെ എമര്ജന്സി വാതിലിലൂടെ നിമിഷങ്ങള്ക്കുള്ളില് പുറത്തേക്കെത്തിക്കുകയായിരുന്നു. യാത്രക്കാരാണ് തീപിടിത്തത്തിന്റെ ഫോട്ടോകളും വീഡിയോകളും സോഷ്യല് മീഡിയകളിലൂടെ പുറത്ത് വിട്ടത്. തീ ആളി പടരുന്നതിനിടെ യാത്രക്കാര് നിലവിളിച്ച് കൊണ്ട് പുറത്തേക്ക് വരുന്നത് വീഡിയോയില് കാണുന്നുണ്ട്. യാത്രക്കാരെയും ജീവനക്കാരെയും മറ്റൊരു വിമാനത്തില് മിയാമിയിലേക്ക് അയച്ചു. എന്നാല് അപകടത്തിന് ശേഷം വിമാനത്താവളത്തിലെ സര്വീസുകളൊന്നും റദ്ദ് ചെയ്തിട്ടില്ലെന്ന് അധികൃതര് അറിയിച്ചു.
https://www.facebook.com/Malayalivartha
