സൊമാലിയയില് നിന്ന് അഭയാര്ത്ഥികളുമായി യെമനിലേക്ക് പോയ ബോട്ട് മുങ്ങി 55 പേര് മരിച്ചു. യാത്രക്കാരുടെ എണ്ണം കൂടിയതാണ് അപകട കാരണം. ബോട്ടില് സൊമാലിയക്കാരും എത്യോപ്യക്കാരും ഉണ്ടായിരുന്നു .അഭയാര്ത്ഥികളുമായി പോകുന്ന ബോട്ടുകള് അപകടത്തില്പെടുന്നത് മേഖലയില് പതിവാണ്. കഴിഞ്ഞ വര്ഷം ഫിബ്രവരിയില് സൊമാലിയന് അഭയാര്ഥികളുടെ ബോട്ടു മുങ്ങി 57 പേരാണ് മരിച്ചത്. സൊമാലിയയില് നിന്ന് ഓരോ വര്ഷവും പതിനായിരക്കണക്കിനു പേരാണ് അയല്രാജ്യങ്ങളിലേയ്ക്കു കുടിയേറുന്നത്.
23 പേരുടെ മൃതദേഹങ്ങള് കണ്ടെടുത്തതായും 32 യാത്രക്കാര്ക്കായി തെരച്ചില് തുടരുകയാണെന്നും അഞ്ചുപേരെ രക്ഷപ്പെടുത്തിയതായും അധികൃതര് അറിയിച്ചു. കണ്ടെടുത്ത മൃതദേഹങ്ങളില് 14 എണ്ണം സ്ത്രീകളുടേയും എട്ടെണ്ണം പുരുഷന്മാരുടേയും ഒന്ന് ആണ്കുട്ടിയുടേതുമാണ്.