ഇറ്റലിയില്‍ ഹാപ്പി ക്രിസ്‌തുമസ്‌ ആഘോഷിക്കാന്‍ പോയ ഇറ്റാലിയന്‍ താരങ്ങള്‍ വന്നാല്‍ മുന്‍ ജന്മ സുകൃതം മാത്രം. അവര്‍ ഇറ്റലിയിലെത്തി കഴിഞ്ഞപ്പോള്‍ ഒരു മുഴം മുന്‍പേ എറിയുകയാണ്‌ കേരള സര്‍ക്കാര്‍. അവര്‍ തിരിച്ചു വരുമോ എന്ന്‌ പറയാന്‍ കഴിയില്ലന്ന്‌ ആഭ്യന്തരമന്ത്രിയും പറഞ്ഞു കഴിഞ്ഞു. കടല്‍ക്കൊല കേസില്‍ പ്രതികളായ ഇറ്റാലിയന്‍ നാവികരെ തിരിച്ചുകൊണ്ടു വരേണ്ട ഉത്തരവാദിത്വവും ബാധ്യതയും കേന്ദ്രസര്‍ക്കാരിനാണെന്ന് മുഖ്യമന്ത്രി ഉമ്മന്‍ചാണ്ടി പറഞ്ഞു.  നാവികരെ തിരിച്ചുകൊണ്ടുവരുമെന്ന് ഇറ്റലി ഉറപ്പു നല്‍കിയിട്ടുണ്ട്. ഇക്കാര്യത്തില്‍ സംസ്ഥാന സര്‍ക്കാരിന്റെ നിലപാട് വ്യക്തമാണ്. നാവികര്‍ രാജ്യം വിട്ടാല്‍ തിരിച്ചുവരുമെന്ന് ഉറപ്പില്ലെന്നാണ് സംസ്ഥാന സര്‍ക്കാര്‍ കോടതിയില്‍ അറിയിച്ചത്. ഇക്കാര്യത്തില്‍ കേന്ദ്രസര്‍ക്കാരിനും സംസ്ഥാന സര്‍ക്കാരിനും രണ്ടു നിലപാടില്ല. സംസ്ഥാന സര്‍ക്കാരിന്റെ വികാരം പൂര്‍ണമായും കേന്ദ്രസര്‍ക്കാര്‍ മനസിലാക്കിയിട്ടുണ്ട്. നാവികര്‍ തിരിച്ചു പോകുന്നതില്‍ സര്‍ക്കാരിന് എതിര്‍പ്പില്ലെന്നും കോടതിക്ക് തീരുമാനിക്കാമെന്നുമാണ് കേന്ദ്രസര്‍ക്കാര്‍ അറിയിച്ചത്. ഇക്കാര്യത്തില്‍ തീരുമാനമെടുക്കേണ്ടത് കോടതി തന്നെയാണ്. മുഖ്യമന്ത്രി വ്യക്തമാക്കി.