മര്ദനമേറ്റനിലയിലും അംഗഭംഗം വന്ന നിലയിലും ആലപ്പോയില് മൃതദേഹങ്ങള് കണ്ടെത്തിയെന്നു റഷ്യ
ഐഎസില്നിന്ന് സിറിയന് സൈന്യം തിരികെ പിടിച്ച ആലപ്പോയില് കൂട്ടക്കുഴിമാടങ്ങള് കണ്ടെത്തിയെന്നു റഷ്യന് പ്രതിരോധമന്ത്രാലയം. റഷ്യന് സേനയുടെ പിന്തുണയോടെയായിരുന്നു സിറിയന് സൈന്യം ഐഎസില്നിന്ന് ആലപ്പോ തിരികെ പിടിച്ചത്. ക്രൂരമായി മര്ദനമേറ്റനിലയിലും അംഗഭംഗം വന്ന നിലയിലും ഡസന്കണക്കിന് മൃതദേഹങ്ങള് കുഴിമാടങ്ങളില് കൂട്ടിയിട്ടിരിക്കുകയായിരുന്നെന്നു റഷ്യന് പ്രതിരോധമന്ത്രാലയ വ്യക്താവ് പറഞ്ഞു. വെടിയുണ്ടയേറ്റ നിലയിലും മൃതദേഹങ്ങള് കണ്ടെത്തി.
സിറിയന് സൈന്യത്തിന്റെ കടന്നുകയറ്റം പ്രതിരോധിക്കാന് വിമതര് സിവിലിയന്മാരെ മനുഷ്യമറകളാക്കി ഉപയോഗിച്ചിരുന്നു.
ഒപ്പം സൈനിക നീക്കം തടയാന് പ്രദേശത്തുടനീളം മൈനുകളും വിതറി. ഇതെല്ലാം ആലപ്പോയിലെ സിവിലിയന്മാരെ അപകടത്തിലാഴ്ത്തിയെന്നും റഷ്യന് വ്യക്താവ് കുറ്റപ്പെടുത്തി. അതിനിടെ നാലുവര്ഷത്തിനിടെ ആദ്യമായി കഴിഞ്ഞ ദിവസം വടക്കന് ആലപ്പോയില് ക്രൈസ്തവര് ക്രിസ്മസ് ആഘോഷിച്ചു.
https://www.facebook.com/Malayalivartha
