തലച്ചോറില്‍ രക്തം കട്ടപിടിച്ചതിനെതുടര്‍ന്ന് യു.എസ് സ്റ്റേറ്റ് സെക്രട്ടറി ഹില്ലരി ക്ലിന്റനെ ന്യൂയോര്‍ക്കിലെ പ്രിസ്ബറ്റേറിയന്‍ ആസ്പത്രിയില്‍ പ്രവേശിപ്പിച്ചു.  ഏതാനും ആഴ്ചകള്‍ക്കുമുമ്പ് ഹില്ലരി തളര്‍ന്ന് ബോധം കെട്ടുവീണതിനെ തുടര്‍ന്ന് തലയ്ക്ക് പരിക്കേറ്റിരുന്നു. ഇതിന്റെ തുടര്‍ ചികിത്സക്കിടെയാണ് തലച്ചോറില്‍ രക്തം കട്ടപിടിച്ചത് കണ്ടെത്തിയത്. ഉദരരോഗത്തിന് ചികിത്സയിലിരിക്കെയായിരുന്നു ഹില്ലരി തളര്‍ന്ന് ബോധം കെട്ടുവീണത്. 
ഹില്ലരിയുടെ ആരോഗ്യസ്ഥിതി തൃപ്തികരമാണെന്ന് ഡോക്ടര്‍മാര്‍ അറിയിച്ചു. ഒരുമാസമായി വീട്ടില്‍ വിശ്രമത്തിലായിരുന്നു ഹില്ലരി ക്ലിന്റണ്‍. 2009 ജനുവരിയിലാണ് ഹില്ലരി ക്ലിന്റണ്‍ സെക്രട്ടറി ഓഫ് സ്റ്റേറ്റ് ആയി ചുമതലയേറ്റത്.