ഇറാഖ്‌ തലസ്ഥാനമായ ബാഗാദാദിലേയും തെക്കന്‍ ഇറാഖിലെ ഹില്ലയിലേയും ഷിയ കേന്ദ്രങ്ങള്‍ ലക്ഷ്യം വെച്ചുള്ള സ്‌ഫോടനങ്ങളില്‍ 30 പേര്‍ കൊല്ലപ്പെട്ടു. മരണസംഖ്യ നാല്‍പതായി ഉയര്‍ന്നെന്ന്‌ സ്ഥിരീകരിക്കാത്ത റിപ്പോര്‍ട്ടുണ്ട്‌. നിരവധിപേര്‍ക്ക്‌ പരിക്കേറ്റിട്ടുണ്ട്‌. ഇതില്‍ പലരുടെയും നില ഗുരുതരമായതിനാല്‍ മരണസംഖ്യ ഉയരാനിടയുണ്ട്‌.
തെക്കന്‍ ഇറാഖിലെ ഹില്ലയിലുണ്ടായ ശക്തമായ കാര്‍ബോംബ്‌ സ്‌ഫോടനത്തില്‍ 13 പേര്‍ കൊല്ലപ്പെട്ടു. 40 പേര്‍ക്ക്‌ പരിക്കേറ്റിട്ടുണ്ട്‌. ബാഗ്‌ദാദില്‍ മിനിറ്റുകളുടെ വ്യത്യാസത്തില്‍ 4 സ്‌ഫോടനങ്ങളുണ്ടായി. അതില#്‌# 17 പേര്‍ കൊല്ലപ്പെട്ടു. 30 പേര്‍ക്ക്‌ പരിക്കേറ്റതായി പോലീസ്‌ അധികൃതര്‍ പറയുന്നു.