തെക്കന്‍ കാലിഫോര്‍ണിയയിലെ ലോസ്‌ ആഞ്ചസിലും സമീപ പ്രദേശങ്ങളിലും റിക്‌ടര്‍ സ്‌കെയിലില്‍ 5.1 തീവ്രത രേഖപ്പെടുത്തിയ ഭൂകമ്പം. വെള്ളിയാഴ്‌ച വൈകിട്ട്‌ പ്രാദേശിക സമയം രാത്രി 9.30 നാണ്‌ ഭൂകമ്പം ഉണ്ടായത്‌.
പത്ത്‌ സെക്കന്റോളം ഭൂകമ്പം നീണ്ടുനിന്നു . എന്നാല്‍ ആളപായങ്ങളോ നാശനഷ്‌ടങ്ങളോ റിപ്പോര്‍ട്ട്‌ ചെയ്‌തിട്ടില്ല. പോസ്‌ ആഞ്ചല്‍സില്‍ നിന്നും 32 കിലോമീറ്റര്‍ അകലെ ബോലയാണ്‌ ഭൂകമ്പത്തിന്റെ പ്രഭവകേന്ദ്രമെന്ന്‌ യുഎസ്‌ ജിയോളജിക്കല്‍ സര്‍വെ പറയുന്നു.
ലോസ്‌ ആഞ്ചല്‍സില്‍ ഭൂകമ്പം ഉണ്ടാകുന്നതിന്‌ ഒരു മണിക്കൂര്‍ മുമ്പ്‌ ലാ ഹാബ്ര സിറ്റിയില്‍ 3.6 തീവ്രത രേഖപ്പെടുത്തിയ ഭൂകമ്പം ഉണ്ടായതായി പ്രാദേശിക മാധ്യമങ്ങള്‍ റിപ്പോര്‍ട്ട്‌ ചെയ്യുന്നു.