അമേരിക്കയില് ഹൈട്രജന് ബലൂണ് പൊട്ടി മൂന്ന് പേരെ കാണാതായി
അമേരിക്കയില് ബലൂണ് പൊട്ടി മൂന്ന് പേരെ കാണാതായി. ആകാശ യാത്രയ്ക്ക് ഉപയോഗിക്കുന്ന ഹോട്ട് എയര് ബലൂണില് തീപിടിച്ചാണ് അപകടമുണ്ടായത്. അമേരിക്കയിലെ കരോലിനില് ഇന്നലെ വൈകുന്നേരമായിരുന്നു സംഭവം. കാണാതായവരെ കുറിച്ച് വിവരങ്ങളൊന്നും ലഭിച്ചിട്ടില്ല. ഹൈഡ്രജന് വാതകം നിറച്ച് ആകാശത്തേക്ക് കുതിക്കുന്ന ഹോട്ട് എയര് ബലൂണിലാണ് അപകടം. മിഡ് അത്ലാന്റിക് ബലൂണ് ഫെസ്റ്റിവലിന്റെ ഭാഗമായി എത്തിയ സംഘമാണ് അപകടത്തില് പെട്ടതെന്ന് കരുതുന്നു. മൂന്ന് പേരുമായി ആകാശത്തേക്ക് ഉയര്ന്ന ബലൂണ് തീപടര്ന്നതിനെ തുടര്ന്ന് പൊട്ടിത്തറിയുകയായിരുന്നുവെന്ന് ദൃക്സാക്ഷികള് പറഞ്ഞു. സംഭവത്തെ കുറിച്ച് വിര്ജീനിയ സ്റ്റേറ്റ് പൊലീസും ഫെഡറല് ഏവിയേഷന് അഡ്മിനിസ്ട്രേഷനും അന്വേഷണം ആരംഭിച്ചു. അതേസമയം ബലൂണിന്റെ അവശിഷ്ടങ്ങളൊന്നും കണ്ടെത്താനായില്ല. ഇന്നും നാളെയുമാണ് മിഡ് അത്ലാന്റിക് ബലൂണ് ഫെസ്റ്റീവല് നടക്കുന്നത്.
https://www.facebook.com/Malayalivartha
