ഡേവിഡിന്റേയും അലക്‌സിയുടേയും പ്രണയം മറ്റേതൊരു പ്രണയകഥയും പോലെ തന്നെയാണ്. ഡേവിഡ് ട്രെയിനിലെ ടിക്കറ്റ് ചെക്കറും അലക്‌സി നഴ്‌സും. 9 മക്കളെ പ്രസവിച്ചെങ്കിലും ഇരുവരും 8 മാസം മുമ്പാണ് വിവാഹിതരാകുന്നത്ക്യാംപെല്‍,ഹാരിസണ്‍,കോറെ,ലച്‌ലന്‍,ബ്രോഡി,ബ്രാന്‍,ഹണ്ടര്‍,മാക്ക്,ബേബി ബ്ലേക്ക്,അച്ഛന്‍ ഡേവിഡ്,അമ്മ അലക്‌സി, പിന്നെ അമ്മയുടെ വയറ്റിലെ ആണ്‍കുഞ്ഞ് ഇങ്ങിനൊരു കുടുംബം. ഈ കുഞ്ഞ് കൂടി പിറന്നാല്‍ ഒറ്റയടിക്ക് പത്ത് ആണ്‍കുട്ടികളെ പ്രസവിച്ച ബ്രിട്ടണിലെ ഏക അമ്മയാകുകയാണ് അലക്‌സി. ഇക്കാര്യത്തില്‍ ലോക റെക്കോര്‍ഡിനു സാധ്യത തേടുകയാണ് ദമ്പതികള്‍.

അച്ഛനുമമ്മയും വിവാഹിതരാകുമ്പോള്‍ മൂത്ത മകന്‍ കാമ്പെലിന് 15ഉം രണ്ടാമത്തെ മകന്‍ ഹാരിസണ് 13ഉം അണ് വയസ്. ഡേവിഡിന് 42ഉം അലക്‌സിക്ക് 37ഉം ആണ് വയസ്. പക്ഷെ കുട്ടികളെ പരിപാലിക്കുന്നതില്‍ ഈ തളര്‍ച്ചയൊന്നും അലക്‌സി കാണിക്കുന്നില്ല. 'ഇത്രയും ആണ്‍കുട്ടികളുടെ അമ്മയായതില്‍ ഞാന്‍ അഭിമാനിക്കുന്നു. പെണ്‍കുട്ടിക്കു വേണ്ടിയുളള ശ്രമമാണോ എന്ന് പലരും ചോദിക്കും.സത്യത്തില്‍ അതല്ല. ഇനി പെണ്‍കുട്ടിയെ എങ്ങിനെ !വളര്‍ത്തും എന്നു പോലും അറിയില്ല. '9 മക്കളുടെ അമ്മ പറയുന്നു.

'ഇത്തവണത്തെ ഗര്‍ഭം കുറച്ചു ബുദ്ധിമുട്ട് ഉണ്ടാക്കുന്നുണ്ട്. നടുവേദന നന്നായുണ്ട്. ഈ പരിപാടി നിര്‍ത്താറായെന്നാണ് ശരീരം പറയുന്നത്.' അലക്‌സി പറയുന്നു. വസ്ത്രം കഴുകാനും വീട് അടിച്ചു വാരാനും ഭക്ഷണമുണ്ടാക്കാനുമൊക്കെ അലക്‌സി ബുദ്ധിമുട്ടുന്നുണ്ട്. എന്നാലും കുട്ടികള്‍ക്കൊപ്പം ചെലവഴിക്കാന്‍ അലക്‌സി സമയം കണ്ടെത്തുന്നു. പാര്‍ക്കിന്‍സണ്‍ രോഗത്തില്‍ നിന്ന് മോചിതനാകുന്ന ഭര്‍ത്താവിന്റെ കാര്യങ്ങളും അലക്‌സി തന്നെയാണ് നോക്കുന്നത്. ഇങ്ങനെ പോകുകയാണെങ്കില്‍ ഏറ്റവും കൂടുതല്‍ ആണ്‍കുട്ടികളുടെ മാതാപിതാക്കളെന്ന റെക്കോഡ് ഇവര്‍ സ്വന്തമാക്കുമോ എന്നകാര്യവും ചര്‍ച്ചയാകുന്നുണ്ട്.