ചാന്ദ്ര പദ്ധതിക്കുവേണ്ടിയുള്ള ഹെവി ലിഫ്റ്റ് കാരിയര്‍ റോക്കറ്റ് വിക്ഷേപനത്തില്‍ ചൈന പരാജയപ്പെട്ടു.ലോങ് മാര്‍ച്ച്5 വൈ 2 എന്നു പേരിട്ട റോക്കറ്റാണ് പറക്കലിനിടെ തകരാറു കണ്ടതിനെ തുടര്‍ന്നു വിക്ഷേപണം പരാജയപ്പെട്ടത്. സംഭവത്തെക്കുറിച്ച് അന്വേഷണം നടത്തുമെന്ന് സിന്‍ഹുവാ ന്യൂസ് ഏജന്‍സി അറിയിച്ചു.

വൈകിട്ട് 7.23ന് ഹൈനാനിലെ വെചാങ് ബഹിരാകാശ വിക്ഷേപണ കേന്ദ്രത്തില്‍നിന്നാണ് റോക്കറ്റ് കുതിച്ചുയര്‍ന്നത്. ആദ്യഘട്ടത്തില്‍ വിക്ഷേപണം വിജയകരമാണെന്ന റിപ്പോര്‍ട്ടാണു പുറത്തുവന്നിരുന്നത്. ചാന്ദ്രപദ്ധതിക്കു പുറമേ, ആളുകളെ പാര്‍പ്പിക്കാന്‍ കഴിയുന്ന ബഹിരാകാശ കേന്ദ്രം, ചൊവ്വാ പര്യവേഷണ പദ്ധതി എന്നിവയാണ് റോക്കറ്റിലൂടെ ചൈന ലക്ഷ്യമിട്ടിരുന്നത്. ഭൂമിയുടെ ഭ്രമണപഥത്തിലേക്ക് 25 ടണ്ണും ബഹിരാകാശത്തേക്ക് 14 ടണ്ണും വഹിക്കാന്‍ ശേഷിയുള്ള റോക്കറ്റാണിത്.