എയര്‍ ഇന്ത്യ വിമാനത്തിലെ യാത്രക്കാര്‍ക്ക് ഞായറാഴ്ച്ച എയര്‍ ഇല്ലാത്ത യാത്രയായിരുന്നു. ബങ്ക്‌ടോങ്കരായില്‍ നിന്നും പുറപ്പെട്ട എയര്‍ ഇന്ത്യ വിമാനത്തിലെ യാത്രക്കാര്‍ ആകാശത്ത് വീശി തളര്‍ന്നു. എസി പ്രവര്‍ത്തനരഹിതമായതിനെ തുടര്‍ന്നാണ് യാത്രക്കാര്‍ക്ക് കൈയിലുളള കടലാസും മറ്റും ഉപയോഗിച്ച് യാത്രയുടെ ഉടനീളം വീശേണ്ടി വന്നത്.

യാത്രക്കാരില്‍ പലരും ശ്വാസം മുട്ടല്‍ മൂലം വളരെ വിഷമം അനുഭവിച്ചു. സംഭവത്തില്‍ യാത്രക്കാര്‍ പരാതിപ്പെട്ടെങ്കിലും പരിഹാരമൊന്നും ഉണ്ടായില്ല. പശ്ചിമ ബംഗാളിലെ ബങ്ക്‌ടോഗ്രയില്‍ നിന്നും 168 യാത്രക്കാരുമായി ഇന്നലെ ഉച്ചയ്ക്ക് 2 മണിക്ക് പുറപ്പെട്ട അഘ880 എയര്‍ബസ് 320 ല്‍ ആയിരുന്നു സംഭവം.

ഏകദേശം 20 മിനിറ്റോളം യാത്രക്കാര്‍ എസി ഇല്ലാതെ യാത്രക്കാര്‍ ദുരിതയാത്ര അനുഭവിച്ചു. ചിലര്‍ ഓക്‌സിജന്‍ മാസ്‌ക് ധരിക്കുകയും എന്നാല്‍ അതും പ്രവര്‍ത്തനരഹിതമെന്ന് തിരിച്ചറിയുകയും. ചെയ്തു. 2 മണിക്കൂര്‍ നീണ്ട യാത്രക്ക് ശേഷം ഡല്‍ഹി എയര്‍പ്പോര്‍ട്ടില്‍ എത്തിയ യാത്രക്കാര്‍ എയര്‍ ഇന്ത്യ അധികൃതര്‍ക്ക് പരാതി നല്‍കുകയും ചെയ്തു.