ചാവേര്‍ സ്‌ഫോടനത്തില്‍ നിന്ന് ആളുകളെ രക്ഷിച്ച് ഈജിപ്ത് പട്ടാളത്തിന്റെ ടാങ്കുകള്‍!
ഒരു ഹോളിവുഡ് ആക്ഷന്‍ ചിത്രം കാണുന്ന പ്രതീതി തന്നെയായിരുന്നു ആ കാഴ്ചയ്ക്ക്. അത്യുഗ്രന്‍ കാര്‍ ബോംബ് സ്‌ഫോടനത്തില്‍ നിന്നും ഏകദേശം അന്‍പതോളം ആളുകളെയാണ് ഈജിപ്ത്യന്‍ പട്ടാളത്തിന്റെ ടാങ്കുകള്‍ സുരക്ഷാ കവചമായി നിന്ന് രക്ഷിച്ചത്.
200 എല്‍.ബി.എസ് ഉഗ്രശേഷിയുള്ള സ്‌ഫോടനമാണ് നടന്നത്. വീഡിയോ ദൃശ്യങ്ങളില്‍ അതിന്റെ ആഴം കണ്ട് മനസ്സിലാക്കാവുന്നതാണ്. ആര്‍മി ചെക്ക് പോയിന്റിനടുത്തേയ്ക്ക് പാഞ്ഞു വരുന്ന കാറിനെ കണ്ടപ്പോള്‍ തന്നെ പട്ടാളത്തിന് കാര്യം മനസ്സിലായി ഇത് ഒരു ചാവേര്‍ സ്‌ഫോടന ശ്രമത്തിനുള്ള വരവാണെന്ന്.
ആ സമയം തന്നെ റോഡില്‍ക്കൂടി ബസും കാറും ട്രക്കും ഉള്‍പ്പെടെ വിവിധ വാഹനങ്ങള്‍ സഞ്ചരിച്ചു കൊണ്ടിരിക്കുകയായിരുന്നു. ഉടന്‍ തന്നെ മൂന്ന് ടാങ്കുകള്‍ ഇവര്‍ക്ക് സുരക്ഷാ കവചമായി സ്‌ഫോടനം നടക്കാന്‍ സാധ്യതയുള്ള വശത്ത് വന്ന് നിന്നു. ഉടന്‍ തന്നെ ഉഗ്രശേഷിയോടെ സ്‌ഫോടനം നടന്നു. വലിയ തീഗോളമായി അത് പടര്‍ന്നു. ഒരു ഈജിപ്ത് ആര്‍മി വക്താവിന്റെ പ്രസ്താവന പ്രകാരം അന്‍പതോളം സിവിലിയന്‍സിനെ രക്ഷിക്കാന്‍ കഴിഞ്ഞതായി അവര്‍ പറഞ്ഞു. സിനായ് പ്രവിശ്യയിലാണ് സംഭവം നടന്നത്. ഈജിപ്ത്യന്‍ മകളെ സംരക്ഷിക്കാന്‍ ഇനിയും ഇങ്ങനെയുള്ള ധീരമായ പ്രവര്‍ത്തികള്‍ സൈന്യം ചെയ്യുമെന്ന് സൈന്യത്തിലെ ഉയര്‍ന്ന ഉദ്യോഗസ്ഥന്‍ പറയുന്നു.
ഐസിസ് ആണ് ആക്രമണത്തിന് പിന്നില്‍. അവര്‍ക്കെതിരെ സൈന്യം നടത്തുന്ന പ്രത്യാക്രമണങ്ങള്‍ക്ക് പകരം എന്ന വിധത്തിലാണ് ഐസിസ് ചാവേര്‍ സ്‌ഫോടനങ്ങള്‍ നടത്തുന്നത്.
https://www.facebook.com/Malayalivartha
