തെഹ്​രീകെ ഇൻസാഫ്​ പാർട്ടി നേതാവ്​ ഇമ്രാൻ ഖാൻ പാർട്ടിയിലെ വനിതാ പ്രവർത്തകരെ അപമാനിക്കുന്നുവെന്ന്​ ആരോപിച്ച്​ വനിത എം.എൽ.എ രാജിവെച്ചു.ഐഷ ഗുലാലൈയാണ്​ വാർത്താ സമ്മേളനം വിളിച്ചുചേർത്ത്​ രാജി അറിയിച്ചത്​. പാർട്ടിയിൽ വനിതകളുടെ മാനത്തിന്​ ഒരു സംരക്ഷണവുമില്ല. അന്തസും അഭിമാനവും എനിക്ക്​ വലുതാണ്​. അതിൽ ഒരു വിട്ടുവീഴ്​ചക്കും താൻ തയാറല്ലെന്നും ഐഷ വാർത്താസമ്മേളനത്തിൽ പറഞ്ഞു.ഇമ്രാൻ ഖാൻ വനിതാ പ്രവർത്തകർക്ക്​ അശ്ലീല സന്ദേശങ്ങൾ അയക്കുന്നുവെന്നും അവർ ആരോപിച്ചു. ഇമ്രാൻ ഖാന്​ മാനസിക പ്രശ്​നങ്ങളുണ്ട്​. അദ്ദേഹത്തിന്​ മറ്റുള്ളവരോട്​ അസൂയയാണെന്നും ഐഷ ആരോപിച്ചു. പാകിസ്​താൻ മുസ്​ലിം ലീഗ്​ (നവാസ്)​ ​പാർട്ടിയിൽ ചേരുന്നുവെന്ന വാർത്ത നിഷേധിച്ച ഐഷ, നവാസ്​ ശരീഫിനെതിരെ എന്തു കുറ്റങ്ങളുണ്ടെങ്കിലും അദ്ദേഹം സ്​ത്രീകളെ ബഹുമാനിക്കുന്നയാളാണെന്നും കൂട്ടിച്ചേർത്തു