നാലു വയസ്സുകാരിയായ സഹോദരിയെ ബലാത്സംഗം ചെയ്ത ബ്രൈറ്റനിലെ പന്ത്രണ്ട് വയസ്സുകാരന്‍ കോടതിയില്‍ കുറ്റം ഏറ്റു പറഞ്ഞു. നിരവധി തവണ കുട്ടിയെ ലൈംഗിക പീഡനത്തിനിരയാക്കിയിട്ടുണ്ടെന്ന് പന്ത്രണ്ട് വയസ്സുകാരന്‍ കോടതിയില്‍ സമ്മതിച്ചു. പീഡന വിവരം പുറത്തു പറയാതിരിക്കാന്‍ സഹോദരിക്ക് മിഠായി വാങ്ങി നല്‍കിയിരുന്നു. വീട്ടില്‍ വെച്ച് ഇരുവരും ഒളിച്ചു കളി കളിക്കുമ്പോഴാണ് സഹോദരിയെ പീഡിപ്പിച്ചിരുന്നതെന്നും പന്ത്രണ്ട് വയസ്സുകാരന്‍ കോടതിയില്‍ വ്യക്തമാക്കി. കൂടുതല്‍ അന്വേഷണങ്ങള്‍ക്കും വിലയിരുത്തലുകള്‍ക്കുമൊടുവില്‍ വിദ്യാര്‍ത്ഥിക്ക് ജയില്‍ ശിക്ഷ വിധിക്കുന്നത് സംബന്ധിച്ച് തീരുമാനമെടുക്കും.
അടുത്തിടെ പെണ്‍കുട്ടി തന്നെയാണ് പീഡനത്തിനിരയായ വിവരം അമ്മയെ അറിയിച്ചത്. സഹോദരന്‍ തന്നെ പല പ്രാവശ്യം ലൈംഗികമായി ഉപദ്രവിച്ചിട്ടുണ്ടെന്ന് പെണ്‍കുട്ടി പറഞ്ഞു. ഇക്കാര്യം തനിക്ക് ഇഷ്ടമായിരുന്നില്ലെങ്കിലും മിഠായി തന്നതിനാല്‍ പുറത്ത് പറയാതിരിക്കുകയായിരുന്നു. എന്തുകൊണ്ടാണ് ഇക്കാര്യം നേരത്തെ പറയാതിരുന്നതെന്ന് ചോദിച്ചപ്പോള്‍ ആരോടും പറയരുതെന്ന് സഹോദരന്‍ ഭീഷണിപ്പെടുത്തിയിരുന്നതായും പെണ്‍കുട്ടി പറഞ്ഞു.
ഇതേത്തുടര്‍ന്ന് പെണ്‍കുട്ടിയുടെ സഹോദരനെ കൂടുതല്‍ പരിശോധനയ്ക്ക് വിധേയനാക്കി. കുട്ടിയുടെ കൈവശമുള്ള മൊബൈല്‍ ഫോണ്‍ അന്വേഷണ ഉദ്യോഗസ്ഥര്‍ കണ്ടെടുത്തു. ഇതില്‍ നിറയെ പോണ്‍ വീഡിയോകളായിരുന്നു. ഫോണില്‍ സൂക്ഷിച്ച നീലച്ചിത്രങ്ങള്‍ കാണുന്നത് വിദ്യാര്‍ത്ഥി പതിവാക്കിയിരുന്നു. ഇതിനടിപ്പെട്ടതോടെയാണ് സ്വന്തം സഹോദരിയെത്തന്നെ പീഡനത്തിനിരയാക്കിയത്.
പെണ്‍കുട്ടിയോട് വിശദാംശങ്ങള്‍ ചോദിച്ചറിഞ്ഞതായി ജില്ലാ ജഡ്ജായ തെരേസ സാഗന്‍ വ്യക്തമാക്കി. താന്‍ നേരിട്ട പീഡനങ്ങളെക്കുറിച്ച് അഞ്ചു വയസ്സുകാരി വ്യക്തമായി സംസാരിച്ചുവെന്നും ജഡ്ജ് പറഞ്ഞു. െ്രെബറ്റന്‍ യൂത്ത് കോടതിയിലാണ് വിചാരണ നടന്നത്‌