നിര്ണായകമായ നാല് നഗരങ്ങള് കീഴടക്കി ഐഎസ്ഐഎസ് ഭീകരര് മുന്നേറുന്നു; ആശങ്കയോടെ ലോകം
നിര്ണായകമായ നാല് നഗരങ്ങള് കീഴടക്കി ഇസ്ലാമിക് സ്റ്റേറ്റ് ഇന് ഇറാഖ് ആന്ഡ് സിറിയ (ഐഎസ്ഐഎസ്) ഭീകരര് ബാഗ്ദാദിനോടു കൂടുതല് അടുത്തു. സിറിയയുമായി അതിര്ത്തി പങ്കിടുന്ന തന്ത്രപ്രധാന നഗരമായ ക്വയിമിന്റെ നിയന്ത്രണം ഐഎസ്ഐഎസ്ഏറ്റെടുത്തു.
ഐഎസ്ഐഎസിന്റെ പിടിയിലായ ഈ നാലുനഗരങ്ങളും സിറിയയില് നിന്ന് ബാഗ്ദാദിലേയ്ക്കുള്ള ഹൈവേയിലായതിനാല് ഭീകരര്ക്ക് ഇറാഖി തലസ്ഥാനത്തേക്ക് അതിവേഗം മാര്ച്ച് ചെയ്യാം എന്ന ഭീതി നിലനില്ക്കുകയാണ്. ഐഎസ്ഐഎസിന്റെ അധീനതയിലായ ഹുസൈബാഗ് ബാഗ്ദാദില്നിന്ന് 100 കിലോമീറ്റര് മാത്രം അകലെയാണ്.
ഭൂമിശാസ്ത്രപരമായി ഇറാഖിലെ ഏറ്റവും വലിയ മേഖലയാണ് പടിഞ്ഞാറന് പ്രവിശ്യയായ അന്ബാര് . ഇവിടെ 70 ശതമാനവും വിമതരുടെ കീഴിലാണ്. സിറിയന് , ജോര്ദാന് അതിര്ത്തി മേഖലകളിലും ആധിപത്യം സ്ഥാപിക്കാന് വിമതര്ക്കു കഴിഞ്ഞു.
ഇറാഖ്-സിറിയന് അതിര്ത്തിയിലെ ചെക്പോസ്റ്റും സൈന്യത്തിനു നഷ്ടമായി. ഒരു ദിവസത്തിലേറെ നീണ്ട ഏറ്റുമുട്ടലിനൊടുവിലാണ് സൈന്യത്തെ പരാജയപ്പെടുത്തി വിമതര് ചെക്പോസ്റ്റ് പിടിച്ചെടുത്തത്. ഇതോടെ അതിര്ത്തിയിലൂടെ ആയുധം കടത്തുന്നതിനും കൂടുതല് മേഖലകളിലേക്കു മുന്നേറുന്നതിനും കഴിയും. ബാഗ്ദാദില്നിന്നും ജോര്ദാന് അതിര്ത്തിയിലേക്കുള്ള ദേശീയപാതയും ഐഎസ്ഐഎസിന്റെ നിയന്ത്രണത്തിലാണ്.
ഇറാഖിലെ ഏറ്റവും വലിയ എണ്ണ ശുദ്ധീകരണശാല സ്ഥിതിചെയ്യുന്ന വടക്കന് നഗരമായ ബെയ്ജിയുടെ നിയന്ത്രണം പൂര്ണമായി പിടിച്ചെടുത്തെന്ന് വിമതര് അവകാശപ്പെട്ടു. എന്നാല്, സൈന്യം ഇതു നിഷേധിച്ചിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
