ആശങ്കയോടെ കേരളം... വിമതരുടെ പിടിയിലായ മലയാളി നേഴ്സുമാര് എവിടെയെന്നറിയില്ല, സുരക്ഷിതരെന്ന് വിദേശകാര്യ മന്ത്രാലയം
ഇറാഖില് കഴിയുന്ന മലയാളി നേഴ്സുമാരുടെ വിവരമൊന്നു മറിയാതെ ആശങ്കയോടെ കേരളം. അതേസമയം ഇറാഖില് വിമതരുടെ പിടിയിലുള്ള മലയാളി നഴ്സുമാര് സുരക്ഷിതരെന്ന് വിദേശകാര്യ മന്ത്രാലയം വ്യക്തമാക്കി. നഴ്സുമാരെ വിമതര് തിക്രിത്തില് നിന്ന് മാറ്റിയെന്നും എവിടേക്കാണ് മാറ്റിയതെന്ന് അറിയില്ലെന്നും മന്ത്രാലയം. ബോംബാക്രമണം ഉണ്ടായതിന് സ്ഥിരീകരണമില്ല. ജനല് ചില്ല് തകര്ന്ന് ചില നഴ്സുമാര്ക്ക് നിസ്സാരപരുക്കേറ്റിട്ടുണ്ടെന്നും വിദേശകാര്യ വക്താവ് സയ്യിദ് അഖ്ബറുദീന് പറഞ്ഞു.
ബാഗ്ദാദിലെ ഇന്ത്യന് എംബസിയുടെ നിര്ദേശ പ്രകാരമാണ് നഴ്സുമാര് തിക്രിതില് നിന്നും മൊസൂളിലേക്ക് പോകാന് തയ്യാറായതെന്നും വിദേശകാര്യ മന്ത്രാലയം വ്യക്തമാക്കി. സുരക്ഷിതരാണെന്ന് നഴ്സുമാര് അറിയിച്ചതായി ബന്ധുക്കള് പറഞ്ഞു.
നേരത്തെ 5 മലയാളി നഴ്സുമാര്ക്ക് സ്ഫോടത്തില് പരുക്കേറ്റതായി റിപ്പോര്ട്ടുകളുണ്ടായിരുന്നു. വിമതരുടെ അന്ത്യശാസനത്തെ തുടര്ന്ന് തിക്രിത്തിലെ ആശുപത്രിയില് നിന്ന് മൊസൂളിലേക്ക് മാറ്റുന്നതിനിടെയാണ് നഴ്സുമാര്ക്ക് പരിക്കേറ്റത്. തീവ്രവാദികള് ഇവരുടെ മൊബൈല് ഫോണുകളും പിടിച്ചെടുത്തിട്ടുണ്ട്. മൊസൂളിലേക്ക് മാറ്റുന്നതിന് മുന്പായി നഴ്സുമാര് ബന്ധുക്കളെ ബന്ധപ്പെട്ടിരുന്നു. മൂന്നു ബസുകളിലായി 47 നഴ്സുമാരെയാണ് തിക്രിതില് നിന്നും മൊസൂളിലേക്ക് കൊണ്ടുപോയത്.
നേരത്തെ രണ്ടുമണിക്കൂറിനുള്ളില് തിക്രീത്തിലെ ആശുപത്രി വിടണമെന്ന് ഐഎസ്ഐഎല് വിമതര് നഴ്സുമാര്ക്ക് അന്ത്യശാസനം നല്കിയിരുന്നു. തിക്രീത്തിലെ ആശുപത്രിയില് നിന്ന് വിമതരുടെ പൂര്ണ്ണ അധീനതയിലുളള മൊസൂളിലേക്ക് പോകാനാണ് വിമതര് ആവശ്യപ്പെട്ടിരുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
