അഫ്ഗാനിസ്ഥാന്റെ തലസ്ഥാനമായ കാബൂളിലെ ഷിയ പള്ളികളിലുണ്ടായ ചാവേര്‍ ബോംബ് സ്‌ഫോടനത്തില്‍ ചുരുങ്ങിയത് 30 പേര്‍ കൊല്ലപ്പെട്ടതായി റിപ്പോര്‍ട്ട്. 48 പേര്‍ക്ക് പരിക്കേറ്റു. പടിഞ്ഞാറന്‍ കാബൂളിലെ ഇമാം സമാം പള്ളിയിലെത്തിയ ചാവേര്‍ സ്വയം പൊട്ടിത്തെറിക്കുകയായിരുന്നു, സമീപത്തുള്ള മറ്റൊരു പള്ളിയിലും ആക്രമണമുണ്ടായതായി റിപ്പോര്‍ട്ടുണ്ട്. സംഭവത്തിന്റെ ഉത്തരവാദിത്വം ഇസ്‌ലാമിക ഭീകര സംഘടനയായ ഐസിസ് ഏറ്റെടുത്തു.

അഫ്ഗാനിസ്ഥാനില്‍ ഒരാഴ്ചക്കിടെ ഉണ്ടാകുന്ന നാലാമത്തെ വലിയ ആക്രമണമാണിത്. കഴിഞ്ഞ ദിവസം അഫ്ഗാന്‍ നഗരമായ കണ്ഡഹാറില്‍ സൈനിക ക്യാന്പിനു നേരെ താലിബാന്‍ ഭീകരര്‍ നടത്തിയ ആക്രമണത്തില്‍ 58 സൈനികര്‍ കൊല്ലപ്പെട്ടിരുന്നു. ആക്രമണങ്ങളിലായി പൊലീസുകാരും പട്ടാളക്കാരും സാധാരണക്കാരുമടക്കം നൂറിലേറെ പേര്‍ കൊല്ലപ്പെട്ടു.