ആല്ബര്ട്ടോ ഫുജിമോറിക്ക് സര്ക്കാര് മാപ്പു നല്കിയതിനെതിരെ പ്രതിഷേധം ശക്തം സല്വദോര് ഡെല് സോളര് രാജിവച്ചു
പെറുവിന്റെ മുന് പ്രസിഡന്റ് ആല്ബര്ട്ടോ ഫുജിമോറിക്ക് സര്ക്കാര് മാപ്പു നല്കിയതിനെതിരെ പ്രതിഷേധങ്ങള് തുടരുന്നതിനിടെ സാംസ്കാരിക മന്ത്രി സല്വദോര് ഡെല് സോളര് രാജിവച്ചു. അഴിമതിയുടെയും മനുഷ്യാവകാശ ലംഘനങ്ങളുടെയും പേരില് ജയിലിലായ ഫുജിമോറിയെ സ്വതന്ത്രനാക്കിയതിന് പിന്നാലെയാണ് രാജിവെച്ചത്. എന്നാല് മന്ത്രിസ്ഥാനം ഒഴിഞ്ഞതിനെ കുറിച്ച് പരസ്യമായി പ്രതികരിക്കാന് സോളര് തയ്യായിട്ടില്ല.
1990- 2000 ഭരണകാലത്തു നടത്തിയ കുറ്റങ്ങളുടെ പേരില് 25 വര്ഷത്തെ തടവിനു ശിക്ഷിക്കപ്പെട്ട ഫുജിമോറിയെ മാനുഷിക പരിഗണനയുടെ പേരിലാണു സര്ക്കാര് സ്വതന്ത്രനാക്കിയത്. ക്രിസ്മസ് തലേന്നാണു ഫുജിമോറി സ്വതന്ത്രനായത്. അര്ബുദബാധിതനായ ഫുജിമോറിയെ ജയിലില് നിന്ന് ആശുപത്രിയിലെ തീവ്രപരിചരണ വിഭാഗത്തിലേക്കു മാറ്റിയിരുന്നു.
എന്നാല്, ഇംപീച്മെന്റ് ഭീഷണി നേരിടുന്ന പ്രസിഡന്റ് പെദ്രോ കസിന്സ്കി അതു മറികടക്കാനാണു ഫുജിമോറിയെ സ്വതന്ത്രനാക്കിയതെന്നും ആരോപിച്ച് പ്രതിഷേധം ഉയരുകയായിരുന്നു. പ്രസിഡന്റിനെ സംരക്ഷിക്കാനാണ് ഫുജിമോറിയെ സ്വതന്ത്രനാക്കിയതെന്ന ആരോപണം പ്രധാനമന്ത്രി മെഴ്സഡസ് അരോസ് തള്ളിയിരുന്നു.
https://www.facebook.com/Malayalivartha
