ബാങ്കോക്കിലെ ലീലക്സ് ഹോസ്പിറ്റൽ ഇപ്പോൾ ശ്രദ്ധേയമാകുകയാണ്. പുരുഷന്മാർ ഈ ആശുപത്രി തിരഞ്ഞുപിടിച്ച് എത്തുകയാണ്. കാരണം മറ്റൊന്നുമല്ല ജനനേന്ദ്രിയം വെളുപ്പിക്കാൻ ആണ്‌ ഇവിടെ പുരുഷന്മാർ എത്തുന്നത്. തായ്‌ലാന്റിൽ ജനനേന്ദ്രിയം വെളുപ്പിക്കുന്ന ഒരേയൊരു ആശുപത്രി ഇതെന്നാണ് കരുതുന്നത്.

ഒരു യുവാവിന്റെ ജനനേന്ദ്രിയം വെളുപ്പിക്കുന്ന ചിത്രം തായ് ടെലിവിഷനിലും സമൂഹമാധ്യമങ്ങളിലും പ്രചരിച്ചതോടെ ഈ ആശുപത്രി പ്രശസ്തമായി. ഒരു ദിവസം ഏറ്റവും കുറഞ്ഞത് രണ്ടു പുരുഷന്മാരെങ്കിലും ജനനേന്ദ്രിയം വെളുപ്പിക്കാനായി എത്തുന്നുണ്ടെന്നാണ് ആശുപത്രി അധികൃതർ പറയുന്നത്. ദിവസവും നൂറുകണക്കിന് ആളുകളാണ് ഇതേക്കുറിച്ചു അന്വേഷിച്ചെത്തുന്നത്.

പുരുഷന്മാർ മാത്രമല്ല സ്ത്രീകളും ഇതേക്കുറിച്ച് അന്വേഷിച്ച് ഇവിടെ എത്തുന്നുണ്ട്. യുവാക്കൾ മുതൽ വൃദ്ധർ വരെ ഈ ചികിത്സയ്ക്കായി എത്തുന്നുണ്ട്. ഇങ്ങനെയൊക്കെയാണെങ്കിലും വർണ്ണ വിവേചനത്തെ പ്രോത്സാഹിപ്പിക്കുകയാണ് ആശുപത്രി ചെയ്യുന്നതെന്നു വിമർശനങ്ങൾ ഉയരുന്നു. കാശുണ്ടാക്കാൻ ഈ ചികിത്സ വഴി ആളുകളെ കൊണ്ടെത്തിക്കുന്നത് കാൻസർ പോലുള്ള മാരക രോഗങ്ങളിലേക്കാണെന്നും ആളുകൾ പറയുന്നു. ആശുപത്രിക്കെതിരെനടപടി എടുക്കണമെന്നും ആവശ്യങ്ങൾ ഉയർന്നു വരികയാണ്.

വീര്യം കുറഞ്ഞതും ശരീരത്തിന് ഹാനികരമല്ലാത്തതുമായ ലേസർ ഉപയോഗിച്ചാണ് വെളുപ്പിക്കുന്നതെന്നാണ് ആശുപത്രി അധികൃതർ പറയുന്നത്. എന്നാൽ ചികിത്സയുടെ വിശദാംശങ്ങൾ ഇവർ വെളിപ്പെടുത്തുന്നില്ല. അഞ്ചു ഘട്ടങ്ങളിലൂടെയാണ് ചികിത്സ പൂർണമാകുന്നത്. മറ്റ് സൗന്ദര്യ വർദ്ധക ചികിത്സകളുമായി താരതമ്യം ചെയ്യുമ്പോൾ ചിലവ് കുറവാണെന്നും ഇവർ പറയുന്നു.