നടുവേദന പരിശോധിക്കുന്നതിനെന്ന വ്യാജേന പുരുഷ രോഗിയുടെ പിന്ഭാഗത്ത് തടവിയത് ദുരുദ്ദേശത്തോടെയെന്ന് രോഗി; ലെസ്റ്ററിലെ ഇന്ത്യന് ഡോക്ടര്ക്കെതിരെ പരാതി
ലെസ്റ്ററിലെ ഇന്ത്യന് ജനറല് പ്രാക്ടീഷണര് ആയ ഫറൂക്ക് പട്ടേല് എന്ന 35-കാരന് ഇപ്പോള് കുഴപ്പത്തിലായിരിക്കുകയാണ്. നടുവേദന പരിശോധിക്കുന്നതിനിടയില് തന്റെ പിന്ഭാഗത്ത് ദുരുദ്ദേശത്തോടെ തടവിയെന്ന് പരാതിപ്പെട്ട് പുരുഷ രോഗി രംഗത്തെത്തിയതാണ് പുലിവാലായത്.
എക്സാമിനേഷന് കോച്ചില് രോഗിയെ പരിശോധിക്കുമ്പോഴായിരുന്നു പട്ടേല് ഇത്തരത്തില് പെരുമാറിയത്. എന്നാല് താന് പരിശോധനക്ക് ആവശ്യമായ പ്രക്രിയകള് മാത്രമേ അനുവര്ത്തിച്ചിട്ടുള്ളുവെന്നാണ് ആരോപണങ്ങളെ നിഷേധിച്ച് കൊണ്ട് ലെസ്റ്ററിലെ ബെല്ഗ്രാവ് മെഡിക്കല് സെന്ററിലെ പ്രാക്ടീഷണറായ ഇദ്ദേഹം ന്യായീകരിക്കുന്നത്.
ലൈംഗിക ആക്രമണം എന്ന പേരില് തന്റെ മേല് ചുമത്തിയിരിക്കുന്ന രണ്ട് കൗണ്ടുകളും പട്ടേല് നിഷേധിച്ചിരിക്കുകയുമാണ്. 2016 ജൂലൈയില് നടന്ന ഈ സംഭവത്തില് സമ്മതമില്ലാതെ ലൈംഗിക പ്രവര്ത്തനം നടത്തിയെന്ന കുറ്റമാണ് ചുമത്തിയിരിക്കുന്നത്. നിലവില് ഈ കേസില് ലെസ്റ്റര് ക്രൗണ് കോടതിയില് വിചാരണ നേരിടുകയാണ് അദ്ദേഹം. താന് വിവാഹിതനാണെന്നും സന്തോഷപ്രദമായ ദാമ്പത്യ ജീവിതം നയിക്കുന്ന ആളുമാണെന്നാണ് പോലീസ് ചോദ്യം ചെയ്യലിനിടെ പട്ടേല് ആവര്ത്തിച്ച് പറഞ്ഞിരുന്നത്. എന്നാല് തുടര്ന്ന് നടന്ന അന്വേഷണത്തില് അദ്ദേഹം ജോലി ചെയ്തിരുന്ന രണ്ട് ശസ്ത്രക്രിയാമുറികളില് നിന്നും പേരറിയാത്ത നാല് പുരുഷന്മാരുടെ ഡിഎന്എ തിരിച്ചറിഞ്ഞിരുന്നു.
ഇവിടങ്ങളിലെ കണ്സള്ട്ടിംഗ് റുമുകളില് അപകടകരമായ സ്വവര്ഗ ലൈംഗിക ബന്ധം നടക്കുന്നുവെന്നതിനുള്ള തെളിവുകളായിട്ടാണ് ഇത് വിലയിരുത്തപ്പെട്ടത്. പരാതിയുമായി മുന്നോട്ട് വന്ന പുരുഷരോഗിക്ക് അഞ്ച് മിനിറ്റായിരുന്നു പരിശോധനാ സമയം നിശ്ചയിക്കപ്പെട്ടിരുന്നതെങ്കിലും ഇതിനായി പട്ടേല് മനപൂര്വം അര മണിക്കൂറെടുത്തിരുന്നുവെന്നും ഇത് ലൈംഗിക ചൂഷണത്തിന് വേണ്ടിയായിരുന്നുവെന്നുമാണ് പ്രോസിക്യൂട്ടറായ ആഡ്രിയാന് ലാന്ഗ്ഡെയില് വിചാരണക്കിടെ ഉയര്ത്തിക്കാട്ടിയത്. തന്നെ ചൂഷണത്തിന് ഇരയാക്കിയെന്ന് തിരിച്ചറിഞ്ഞ രോഗി ഇ്ക്കാര്യം ക്ലിനിക്കിലെ റിസപ്ഷനിസ്റ്റിനോട് വെളിപ്പെടുത്തിയിരുന്നുവത്രേ.
എന്നാല് ഇക്കാര്യം പ്രാക്ടീസ് മാനേജരോട് പറയാന് ആ സമയത്ത് സാധിക്കില്ലെന്നായിരുന്നു റിസപ്ഷനിസ്റ്റിന്റെ പ്രതികരണം. തുടര്ന്ന് ആ രോഗി സിറ്റി സെന്ററിലെ മാന്സ്ഫീല്ഡ് ഹൗസ് പോലീസ് സ്റ്റേഷനിലെത്തി പരാതി സമര്പ്പിക്കുകയായിരുന്നു.
താന് പിന്ഭാഗത്ത് ചില ആരോഗ്യ പ്രശ്നങ്ങളുണ്ടായതിനെ തുടര്ന്നാണ് ഡോക്ടറുടെ അടുത്ത് പരിശോധനക്ക് പോയതെന്നും എന്നാല് ഞെട്ടിപ്പിക്കുന്ന ദുരനുഭവമാണ് ഇവിടെ വച്ച് ഉണ്ടായതെന്നുമായിരുന്നു പോലീസ് പകര്ത്തിയ ഒരു വീഡിയോയില് വാദിയായ രോഗി വെളിപ്പെടുത്തിയത്. ഈ വിഡിയോ വിചാരണ വേളയില് കോടതിയില് പ്ലേ ചെയ്യുകയും ചെയ്തിരുന്നു. ഇതിനെ തുടര്ന്ന് തന്റെ മനോനില താറുമാറായിരുന്നുവെന്നും രോഗി വെളിപ്പെടുത്തിയിരുന്നു. കേസുമായി ബന്ധപ്പെട്ട വിചാരണ തുടരുകയാണ്.
https://www.facebook.com/Malayalivartha
