സ്‌കോട്ട്‌ലാന്‍ഡിലെ നൂറ് വര്‍ഷത്തിലധികം പഴക്കമുള്ള പ്രശസ്തമായ ബ്രിട്ടീഷ് ഹോട്ടല്‍ വിലയ്ക്ക് വാങ്ങിയിരിക്കുകയാണ് പ്രവാസി വ്യവസായി എം.എ.യൂസഫലി. ബ്രിട്ടിനിലെ മുന്‍നിര ഫൈവ് സ്റ്റാര്‍ ഹോട്ടലുകളിലൊന്നായി അറിയപ്പെടുന്ന ഹോട്ടല്‍ കാലിഡോണിയന്‍ ആണ് യൂസഫലി സ്വന്തമാക്കിയത്.

യൂസഫലിയുടെ ഉടമസ്ഥതയിലുള്ള അബുദാബി ആസ്ഥാനമായി പ്രവര്‍ത്തിക്കുന്ന ലുലു ഗ്രൂപ്പിന്റെ ഹോസ്പിറ്റാലിറ്റി വിഭാഗമായ ട്വന്റി14 ഹോള്‍ഡിംഗ്‌സ് ആണ് 85 മില്യണ്‍ ഡോളര്‍ (798 കോടി രൂപ) രൂപയ്ക്ക് ഹോട്ടൽ വാങ്ങിയത്. ഈ ഹോട്ടൽ കുറച്ചുകൂടി മോഡി പിടിപ്പിക്കാനാണ് ഹോള്‍ഡിംഗ്സിന്റെ തീരുമാനം.
ഇപ്പോൾ 241 മുറികളാണുള്ളത്. 187 കോടി രൂപയുടെ നവീകരണ പ്രവര്‍ത്തനങ്ങള്‍ കൂടി നടത്തുമെന്നും ഇതിലൂടെ 50 മുറികള്‍ അധികമായി കിട്ടുമെന്നും ഹോള്‍ഡിംഗ്‌സ് മാനേജിംഗ് ഡയറക്ടറായ അദീബ് അഹമ്മദ് അറിയിച്ചു. രാജ്യത്തെ ഇത്രയും പ്രശസ്തമായ പൗരാണിക കെട്ടിട്ടം യു.എ.ഇ വ്യവസായി വിലയ്ക്ക് വാങ്ങിയത് വന്‍പ്രാധാന്യത്തോടെയാണ് ബ്രിട്ടീഷ് മാധ്യമങ്ങള്‍ റിപ്പോര്‍ട്ട് ചെയ്യുന്നത്.