വിമാനം കയറാനെത്തിയ യുവാവിനെ രണ്ടു വിമാനങ്ങളും തടഞ്ഞു; കാരണം എന്താണെന്നറിഞ്ഞാൽ ഏവരും ഒന്നമ്പരക്കും
ഐസ് ലാന്ഡിലെ കെഫ്ളാവിക് എയര്പോര്ട്ടില് നിന്നും ലണ്ടനിലേക്കുള്ള ബ്രിട്ടീഷ് എയര്വേസ് വിമാനം കയറാനെത്തിയ യുവാവിനെ വിമാനത്തില് കയറാന് അനുവദിക്കാതെ വിമാന അധികൃതര് തടഞ്ഞുവച്ചു. അതായത് ഇയാള്ക്ക് ബോര്ഡിങ് പാസ് നല്കാന് ബ്രിട്ടീഷ് എയര്വേസും ഈസിജെറ്റും തയ്യാറായില്ലെന്നാണ് റിപ്പോര്ട്ട്. കാരണം എന്താണെന്നു കേട്ടാൽ ഏവരും ഒന്ന് അമ്പരക്കും.എന്താണെന്നല്ലേ ? എക്സസ് ലഗേജ് ഫീസ് ലാഭിക്കാന് എട്ട് പാന്റ്സും പത്ത് ഷര്ട്ടുകളും ധരിച്ച് ഈ യുവാവ് എത്തിയതിനാലാണ് ഇയാളെ വിമാനത്തില് കയറ്റാതിരുന്നത്.
തന്റെ ലഗേജില് അധികമായുള്ള വസ്ത്രങ്ങളെല്ലാം ഇയാള് യാതൊരു മടിയും കൂടാതെ ദേഹത്തില് ധരിക്കുകയായിരുന്നു. തന്നെ ഐസ്ലാന്ഡിലെ വിമാനത്താവളത്തില് നിന്നും വിമാനം കയറാന് ബ്രിട്ടീഷ് എയര്വേസ് അനുവദിച്ചില്ലെന്നും താന് അണിഞ്ഞിരുന്ന വസ്ത്രങ്ങളില് ചിലത് ബാഗില് വയ്ക്കാത്തതാണ് ഇതിന് കാരണമെന്നും തന്നോട് ഇതിലൂടെ വംശീയപരമായ വിവേചനത്തിന് തുല്യമായ രീതിയിലാണ് ബ്രിട്ടീഷ് എയര്വേസ് പെരുമാറുന്നതെന്നും ഹവായ് ട്വീറ്റിലൂടെ വെളിപ്പെടുത്തുകയുണ്ടായി. ബ്രിട്ടീഷ് എയര്വേസില് കയറാനുള്ള ശ്രമം പരാജയപ്പെട്ടതോടെ അതേ ദിവസം അവിടുന്ന് പുറപ്പെടുന്ന ഈസി ജെറ്റ് വിമാനത്തില് കയറാനും അദ്ദേഹം ശ്രമം നടത്തിയെങ്കിലും ഇതേ കാരണം പറഞ്ഞ് അവരും ഹവായിയെ വിമാനത്തില് കയറ്റിയില്ലെന്നാണ് റിപ്പോര്ട്ട്.
ഹവായിയുടെ രൂപഭാവങ്ങളില് ക്യാപ്റ്റനും ഗ്രൗണ്ട് ക്രൂവും കടുത്ത ആശങ്ക രേഖപ്പെടുത്തിയതിനെ തുടര്ന്നാണ് ഇയാള്ക്ക് യാത്ര നിഷേധിച്ചതെന്നും തുടര്ന്ന് ഹവായിക്ക് മുഴുവന് പണവും റീഫണ്ട് ചെയ്തിരുന്നുവെന്നും ഈസിജെറ്റ് വിശദീകരിക്കുന്നു. എന്നാല് യാതൊരു തരത്തിലുമുള്ള വംശീയവിവേചനം കാണിച്ചല്ല ഹവായ്ക്ക് യാത്ര നിഷേധിച്ചിരിക്കുന്നതെന്നാണ് ബ്രിട്ടീഷ് എയര്വേസ് പ്രതികരിച്ചിരിക്കുന്നത്.
https://www.facebook.com/Malayalivartha
