ഏകാന്തത അനുഭവിക്കുന്നവർക്ക് ഇനി ആശ്വസിക്കാം. ഏകാന്തത അനുഭവിക്കുന്നവരുടെ പ്രശ്നങ്ങൾ പരിഹരിക്കാനും പഠിക്കാനുമായി ലോണ്‍ലിനെസ്സ് എന്ന പേരില്‍ ഒരു വകുപ്പിന് രൂപം നല്‍കിയിരിക്കുകയാണ് ബ്രിട്ടണ്‍. ഈ വകുപ്പിലേക്ക് മന്ത്രിയെയും ചുമതലപ്പെടുത്തിയിട്ടുണ്ട് ഇവർ.

മന്ത്രിസഭയിലെ സ്പോര്‍ട്സ് സിവില്‍ സൊസൈറ്റി വകുപ്പ് മന്ത്രി ട്രേസി ക്രൗച്ചിനാണ് നിലവില്‍ വകുപ്പ് ചുമതല. ഏകാന്തത അനുഭവിക്കുന്ന 90 ലക്ഷത്തോളം പേര്‍ ഉണ്ടെന്നാണ് റിപ്പോർട്ടുകൾ. ഇവരുടെ പ്രശ്നങ്ങള്‍ പഠിക്കുകയാണ് ഇതിന്റെ ലക്ഷ്യം. അന്തരിച്ച ലേബര്‍ പാര്‍ട്ടി നേതാവും എംപിയുമായ ജോ കോക്സ് ആവിഷ്കരിച്ച ലോണ്‍ലിനസ്സ് പ്രൊജക്ടിന്‍റെ ഭാഗമായാണ് ഈ വകുപ്പ്.