13 ക്കാരിയായ തന്റെ മകളുടെ കന്യകാത്വം വില്‍ക്കാന്‍ ശ്രമിച്ചതിന് മാതാവ് അറസ്റ്റിലായി. പ്രായപൂര്‍ത്തിയാകാത്ത പെണ്‍കുട്ടിയുടെ ആദ്യരാത്രി 11 ലക്ഷം രൂപയ്ക്ക് വില്‍ക്കാന്‍ ലക്ഷ്യമിട്ട് ഇടപാടുകാരനായ പണക്കാരനെ തേടി ചെല്യാബിന്‍സ്ക്കില്‍ നിന്നും മോസ്ക്കോയിലേക്കാണ് മാതാവും കൂട്ടുകാരിയും പെണ്‍കുട്ടിയുമായി എത്തിയത്. റിയല്‍ എസ്റ്റേറ്റ് ഏജന്റായ ഗ്ലാഡികിക് എന്ന 35 കാരിയെയാണ് മകളുടെ കന്യകാത്വം വില്‍ക്കാന്‍ ശ്രമിച്ചതിനെ തുടര്‍ന്ന് പൊലീസ് പിടിയിലായത്. റഷ്യയിൽ നടന്ന അമ്മയുടെയും കൂട്ടുകാരിയുടെയും നീക്കങ്ങൾ ഡിറ്റക്ടീവുകളാണ് പുറത്ത് കൊണ്ടുവന്നത്.

ഇടപാടുകാരനായ പണക്കാരനെ തേടി ചെല്യാബിന്‍സ്ക്കില്‍ നിന്നും മോസ്ക്കോയിലേക്ക് പെണ്‍കുട്ടിയുമായി എത്തിയ ഇരുവരുടെയും മുന്നില്‍ എത്തിയത് ഡിറ്റക്ടീവുകളാണെന്ന് മാതാവും കൂട്ടുകാരിയൂം അറിഞ്ഞിരുന്നില്ല. മകളെ ലൈംഗികതയ്ക്ക് ഉപയോഗിച്ച്‌ തങ്ങളെ സാമ്ബത്തികമായി സഹായിക്കുന്ന ഒരു പണക്കാരനെ തേടിയാണ് മോസ്കോയില്‍ എത്തിയതെന്ന് ഇവര്‍ പൊലീസിനോട് പറഞ്ഞു.

മോസ്ക്കോയിലെ ഒരു ഫ്ലോട്ടിംഗ് ഭക്ഷണശാലയില്‍ ആയിരുന്നു ഇടപാടുകാരായി സിഐഡികള്‍ എത്തിയത്. പണക്കാരനായ ബിസിനസ്സുകാരനു പെണ്‍കുട്ടിയെ വില്‍പ്പന നടത്തിയ ശേഷം ഒന്നരലക്ഷം റൂബിള്‍ സ്വീകരിക്കുകയായിരുന്നു മാതാവ് ഉന്നമിട്ടിരുന്നത്.