വായുവിനെ രക്ഷിക്കാനായി ചൈന എത്തിക്കഴിഞ്ഞു; 'എയര് പ്യൂരിഫയര് ടവര്'
വായു മലിനമാക്കുന്നവർ ഇതൊന്നു കേട്ടോളു... വായുമലിനീകരണം നിയന്ത്രിക്കാനുള്ള ശ്രമങ്ങളുടെ ഭാഗമായി പരീക്ഷണാടിസ്ഥാനത്തില് വായു ശുദ്ധീകരിക്കുന്ന ഒരു ടവര് ചൈന സ്ഥാപിച്ചു കഴിഞ്ഞിരിക്കുകയാണ്. ഏതാണ്ട് 100 മീറ്ററോളം ഉയരമുണ്ടിതിന്.
വായു ശുദ്ധീകരണ ടവര് നിർമ്മിച്ചാലുണ്ടാവുന്ന ഗുണഫലങ്ങളെപ്പറ്റി ചൈനയില് പഠനങ്ങള് നടക്കുന്നുണ്ട്. ചൈനീസ് അക്കാദമി ഓഫ് സയന്സില് നടത്തിയ പഠനങ്ങള് പ്രകാരം 353 മില്യണ് ക്യൂബിക്ക് ഫീറ്റ് വായുവാണ് നിലവില് ദിനംപ്രതി ടവര് ശുദ്ധീകരിക്കുന്നത്. കഴിഞ്ഞ ഏതാനും മാസങ്ങളിലായി 10 സ്ക്വയര് കിലോമീറ്ററിനുള്ളില് വായുവിന്റെ ഗുണനിലവാരം ഉയര്ന്നിട്ടുണ്ടെന്നും പഠനത്തില് തെളിഞ്ഞിട്ടുണ്ട്.
2015 ല് സ്ഥാപിച്ച ടവറിന്റെ പ്രവര്ത്തനക്ഷമത അറിയാന് വായുമലിനീകരണ തോതറിയുന്ന നിരവധി ഉപകരണങ്ങള് സ്ഥാപിച്ചിട്ടുണ്ട്. ടവറിനുള്ളിലേക്ക് കടക്കുന്ന വായു സൗരോര്ജത്താല് ചൂടാക്കിയാണ് ശുദ്ധീകരിക്കുക. ഇങ്ങനെ ശുദ്ധീകരിച്ച വായു തുറന്നിരിക്കുന്ന അനേകം ഫില്റ്ററുകളിലൂടെ പുറത്തേക്ക് പോകും.
പരീക്ഷണം വിജയിച്ചാല് 500 മീറ്ററോളമുള്ള ടവറാണ് നിര്മിക്കാനാണുദ്ദേശിക്കുന്നത്. ഏതാണ്ട് 30 സ്ക്വയര് കിലോമീറ്റര് ചുറ്റളവിലുള്ള വായു ഈ ടവര് ശുദ്ധീകരിക്കുമെന്നാണ് കണക്കു കൂട്ടല്.
https://www.facebook.com/Malayalivartha