ബെയ്ജിങ് : കണ്ടുപിടുത്തങ്ങൾ കൊണ്ട് വിസ്മയങ്ങൾ കാഴ്ച്ചവയ്ക്കുന്ന ചൈന യുദ്ധമുഖത്തു പലവിധത്തില്‍ ഉപയോഗിക്കാനാകുന്ന ബോംബര്‍ വിമാനവുമായി എത്തിയിരിക്കുന്നതായാണ് പുതിയ റിപ്പോർട്ടുകൾ. ഇലക്‌ട്രോണിക് യുദ്ധവിമാനമായ എച്ച്‌-6 ജിയാണു ചൈനീസ് നാവികസേനയിലേക്കു പുതുതായി ചേര്‍ത്തത്. ഒരു പഴയ ബോംബര്‍ വിമാനം പുതുക്കിയാണ് എച്ച്‌-6 ജി രൂപപ്പെടുത്തിയത്.

ബോംബുകള്‍ വര്‍ഷിക്കുന്നതു കൂടാതെ ഒട്ടേറെ കാര്യങ്ങള്‍ ചെയ്യാന്‍ വിമാനത്തിനു കഴിയും. വിമാനത്തില്‍ ഘടിപ്പിച്ചിരിക്കുന്ന ഇലക്‌ട്രോണിക് പോഡുകളാണു പ്രധാന ഭാഗം. യുദ്ധസമയത്തു സിഗ്നലുകള്‍ അടിച്ചമര്‍ത്തി വിവിധ നിരീക്ഷണ ഉപകരണങ്ങളുടെ പ്രവര്‍ത്തനം തടസ്സപ്പെടുത്താനും റഡാറുകളെ കബളിപ്പിച്ചു ശത്രുരാജ്യത്തേക്കു കടക്കാനും വിമാനങ്ങള്‍ക്കു സാധിക്കും.