ഇന്ത്യയിൽ ഒരു റോഡോ പാലമോ നിർമ്മിക്കാനെടുക്കുന്ന കാലതാമസം നിങ്ങൾക്കേവർക്കും അറിയാമല്ലോ ചിലപ്പോ മാസങ്ങളോളം അല്ലെങ്കിൽ വർഷാങ്ങളോളം എന്നാൽ ചൈനയിൽ നടന്ന ഒരു സംഭവം ഏവരെയും അമ്പരപ്പിക്കുന്നതാണ്. എന്താണെന്നല്ലേ?...പുതിയ സ്റ്റേഷനിലേക്കുള്ള റെയില്‍ പാത 9 മണിക്കൂര്‍ കൊണ്ട് യാഥാര്‍ത്ഥ്യമാക്കി ലോകത്തിന് തന്നെ മാതൃകയായിരിക്കുകയാണ് ചൈന.

1500 ജീവനക്കാര്‍ അണിനിരന്ന് 9 മണിക്കൂര്‍ കൊണ്ട് അതിവേഗ ട്രെയിന്‍ ഗതാഗതത്തിനുള്ള ട്രാക്ക് പൂര്‍ത്തിയാക്കി. 3 പാതകളെ ഒന്നിലേക്ക് ബന്ധിപ്പിച്ചാണ് ചൈനയിലെ ലോങ്ങ്യനില്‍ റെയില്‍ലൈന്‍ തീര്‍ത്തത്. ഈ അദ്ഭുതകരമായ പ്രവൃത്തി വെള്ളിയാഴ്ച്ചയാണ് അരങ്ങേറിയത്.

നിർമ്മാണത്തിനായി ഏഴ് ട്രെയിനുകളുടെയും 23 ജെസിബികളുടെയും സേവനം ലഭ്യമാക്കിയായിരുന്നു. നാന്‍ലോങ് ട്രാക്കുമായി ഗ്യാന്‍ലോങ്, ഗ്യാന്റൂയിലോങ്, ഷാങ്ലോങ് എന്നീ ലൈനുകളാണ് ബന്ധിപ്പിച്ചത്. ജീവനക്കാരെ ഏഴ് വിഭാഗമായി തിരിച്ചായിരുന്നു പദ്ധതി നിര്‍വ്വഹണം. 246 കിലോമീറ്റര്‍ നീളുന്നതാണ് നാന്‍ലോങ് റെയില്‍ പദ്ധതി. പുതുതായി തീര്‍ത്ത സ്റ്റേഷനിലേക്ക് നീളുന്ന ട്രാക്കാണ് 9 മണിക്കൂര്‍ കൊണ്ട് ജീവനക്കാര്‍ പൂര്‍ത്തിയാക്കിയത്.