എയര്‍ ഏഷ്യയിലെ അടിവസ്ത്രം പുറത്ത് കാണുന്ന തരത്തിലുള്ള വനിതാ ജീവനക്കാരുടെ വസ്ത്ര ധാരണരീതിയ്‌ക്കെതിരെ പരാതിയുമായി ന്യൂസിലന്‍ഡ് സ്വദേശിനിയായ ജൂണ്‍ റോബേര്‍ട്സണ്‍. ഈ വസ്ത്ര ധാരണം തനിക്ക് അരോചകമുണ്ടാക്കുന്നുവെന്നാണ് ഇവർ കത്തിൽ പറയുന്നത്.

വെറുപ്പുണ്ടാക്കുന്ന തരത്തിലാണ് ഇവരുടെ വസ്ത്രധാരണമെന്നാണ് ജൂണ്‍ റോബേര്‍ട്സണ്‍ പറയുന്നത്. ജീവനക്കാരുടെ പെരുമാറ്റത്തെക്കുറിച്ചും ഇവർ പരാതിപ്പെടുന്നുണ്ട്. കഴിഞ്ഞ വര്‍ഷം ഒക്ടോബറിലാണ് ജൂണ്‍ റോബേര്‍ട്സണ്‍ അക്വാലന്‍ഡില്‍ നിന്ന് ക്വാലാലംപൂരിലേക്ക് യാത്ര ചെയ്തത്. മലേഷ്യയെ പോലെ മികച്ച ആദരണീയ രാജ്യം സ്ത്രീകള്‍ വേശ്യകളെപോലെ പെരുമാറുന്നത് അനുവദിക്കാന്‍ പാടുണ്ടോയെന്നാണ് അവര്‍ ചോദിക്കുന്നത്. മലേഷ്യന്‍ സെനറ്റര്‍ ദാകുര് ഹനഫി മാമതിനാണ് ജൂണ്‍ റോബേര്‍ട്സണ്‍ പരാതി നല്‍കിയത്. യൂറോപ്യന്‍ എയര്‍ലൈന്‍സുകളിലും ന്യൂസിലന്‍ഡ്, അമേരിക്ക, ഓസ്ട്രേലിയ എന്നിവടങ്ങളിലെ വിമാനങ്ങളിലേയും ജീവനക്കാര്‍ ഇതുപോലുള്ള ഇറക്കം കുറഞ്ഞ വസത്രം ധരിക്കില്ലെന്നും അവർ പറയുന്നു.