കാറിലെ ജിപിഎസ് നോക്കി യാത്ര തിരിച്ച ആളുകൾ പാഞ്ഞെത്തിയത് കായലിൽ. രണ്ട് യാത്രികരുമായി പോകുകയായിരുന്ന കാർ കായലില്‍ പതിക്കുകയായിരുന്നു. ജനുവരി 12ന് അമേരിക്കയിലെ വെര്‍മോണ്ടിലാണ് സംഭവം നടന്നത്. കാര്‍ വാടകയ്ക്കെടുത്ത് യാത്ര തിരിച്ചതായിരുന്നു മൂന്ന് സുഹൃത്തുക്കള്‍.

ജിപിഎസ് നല്‍കിയ നിര്‍ദ്ദേശങ്ങള്‍ക്കനുസരിച്ചാണ് മൂവരും യാത്ര തുടങ്ങിയത്. ഗൂഗിളിമന്‍റെ വേസ് എന്ന മാപ് സംവിധാനമാണ് ഇവര്‍ ഉപയോഗിച്ചിരുന്നത്. ആദ്യം ഐസിലൂടെ നിരങ്ങിയിറങ്ങുകയും ഇത് തകര്‍ന്ന് വെള്ളത്തിലേക്ക് വീഴുകയുമായിരുന്നു. മൂവരും നിസ്സാര പരിക്കുകളോടെ രക്ഷപ്പെട്ടു. അപകടത്തില്‍പ്പെട്ട് കാറിന്‍റെ ബംബര്‍ ഭാഗം മാത്രമാണ് കായലിന് പുറത്തേക്ക് കാണാനുണ്ടായിരുന്നത്.

റോഡില്‍ നോക്കി പുറത്ത് നല്‍കിയിരിക്കുന്ന സൈന്‍ ബോര്‍ഡുകള്‍ കൂടി ശ്രദ്ധിച്ചുവേണം വാഹനമോടിയ്ക്കാനെന്നും വേണ്ട പരിഷ്കാരങ്ങള്‍ വരുത്തിയാണ് വേസ് പുറത്തിറക്കിയിരിക്കുന്നതെന്നും ലഭ്യമായ ഏറ്റവും കൃത്യമായ വിവരങ്ങളാണ് വേസ് നല്‍കുന്നതെന്നും ഗൂഗിള്‍ വക്താവ് ജൂലി മോസ്റ്റര്‍ ഒരു അന്താരാഷ്ട്ര മാധ്യമത്തോട് പറഞ്ഞു.