ദക്ഷിണകൊറിയയിലെ മിര്‍യാങില്‍ ആശുപത്രിയിലുണ്ടായ വന്‍ തീപിടിത്തത്തില്‍ 31 മരണം. 40 പേര്‍ക്ക് പരിക്കേറ്റു. ഇതില്‍ 11 പേരുടെ നില ഗുരുതരമാണ്. പ്രാദേശിക മാധ്യമങ്ങളാണ് ഇതുസംബന്ധിച്ച വാര്‍ത്ത റിപ്പോര്‍ട്ട് ചെയ്തത്. തീ അണക്കാനുള്ള ശ്രമങ്ങള്‍ അഗ്‌നിശമനസേന നടത്തുകയാണ്.
വൃദ്ധര്‍ക്ക് വിദ്ഗധ ചികില്‍സ നല്‍കുന്ന സേജോങ് ആശുപത്രിയിലെ എമര്‍ജന്‍സി റൂമിലാണ് തീപിടിത്തമുണ്ടായത്. ഏകദേശം 200 രോഗികളാണ് ആശുപത്രിയിലുണ്ടായിരുന്നത്.

തീപിടിത്തത്തിന്റെ കാരണം വ്യക്തമായിട്ടില്ലെന്ന് അഗ്‌നിശമനസേന തലവന്‍ അറിയിച്ചു. 98 പേരെ ആശുപത്രിയില്‍ നിന്ന് സുരക്ഷിതമായി പുറത്തെത്തിച്ചുവെന്നും അദ്ദേഹം പറഞ്ഞു. സംഭവത്തിന്റെ പശ്ചാത്തലത്തില്‍ ദക്ഷിണകൊറിയന്‍ പ്രസിഡന്റ് അടിയന്തരയോഗം വിളിച്ചു.