രാജ്യത്തിന്റെ മതേതര നിയമങ്ങള്‍ കര്‍ശനമാക്കുന്നതിന്റെ ഭാഗമായി ഫ്രഞ്ച് പാര്‍ലമെന്റിന്റെ പുതിയ ഭരണ പരിഷ്‌കാരം. മത ചിഹ്നമുള്ള വസ്ത്രങ്ങള്‍ ധരിക്കുന്നത് നിരോധിച്ചുകൊണ്ടുള്ള ഉത്തരവാണ് പാർലിമെന്റ് അറിയിയിച്ചിരിക്കുന്നത്. എന്നാൽ ഈ പുതിയ നിര്‍ദ്ദേശം പാര്‍ലമെന്റില്‍ ധരിക്കേണ്ട വസ്ത്രങ്ങളുടെ കാര്യത്തിലാണ് എന്നും വെളിപ്പെടുത്തിയിട്ടുണ്ട്.

പ്രത്യേക തരത്തിലുള്ള യൂണിഫോമുകള്‍, ലോഗോകള്‍, വാണിജ്യ രാഷ്ട്രീയ മുദ്രാവാക്യങ്ങള്‍ തുടങ്ങിയവയും വസ്ത്രങ്ങളില്‍ ഉപയോഗിക്കരുതെന്നാണ് നിര്‍ദ്ദേശം. പാര്‍ലമെന്റ് അംഗങ്ങളിലൊരാള്‍ ഫുട്ബോള്‍ ടീ ഷര്‍ട്ട് ധരിച്ച്‌ പാര്‍ലമെന്റ് സമ്മേളനത്തിനെത്തിയതിന്റെ അനന്തരഫലമാണ് ഈ പുതിയ നിയമം.

പുതിയ നിര്‍ദ്ദേശത്തിനെതിരെ വലിയ വിമര്‍ശനങ്ങളാണ് ഉയര്‍ന്നിരിക്കുന്നത്. തീവ്ര മതേതരത്വം അടിച്ചേല്‍പിക്കാനുള്ള ശ്രമമാണിതെന്നു ആരോപിച്ചത് ഒട്ടനവധിപേർ രംഗത്തെത്തിയിട്ടുമുണ്ട് .