ഫ്രാന്‍സില്‍ ഭീകരാക്രമണത്തില്‍ മൂന്നുപേര്‍ കൊല്ലപ്പെട്ടു
ഇസ്‌ലാമിക് സ്‌റ്റേറ്റുമായി ബന്ധമുണ്ടെന്ന് അവകാശപ്പെട്ട അക്രമി തെക്കന്‍ ഫ്രാന്‍സില്‍ നടത്തിയ വിവിധ ആക്രമണങ്ങളില്‍ മൂന്നു പേര്‍ കൊല്ലപ്പെട്ടു. ഭീകരാക്രമണമാണെന്നു സംശയിക്കുന്നതായി പ്രധാനമന്ത്രി എഡ്വാര്‍ഡ് ഫിലിപ്പ് പറഞ്ഞു. ആക്രമണം നടത്തിയ മൊറോക്കന്‍ വംശജനെന്നു സംശയിക്കുന്ന റിഡോണ്‍ ലാസ്‌കിയെ(26) പോലീസ് വെടിവച്ചുകൊന്നു. ചെറുകിട മയക്കുമരുന്നു കച്ചവടത്തിലും മറ്റും ഏര്‍പ്പെട്ടിരുന്ന ഇ!യാള്‍ പോലീസിന്റെ നോട്ടപ്പുള്ളിയായിരുന്നു. പാരീസില്‍നിന്ന് 385 മൈല്‍ തെക്കുള്ള ട്രെബ് നഗരത്തിലും സമീപമുള്ള കോര്‍ക്കസോണ്‍ നഗരത്തിലുമായിരുന്നു ആക്രമണങ്ങള്‍. കോര്‍ക്കസോണ്‍ നഗരത്തില്‍ കാര്‍ തടഞ്ഞ അക്രമി വെടിയുതിര്‍ത്ത് യാത്രക്കാരനെ വധിക്കുകയും െ്രെഡവറെ പരിക്കേല്‍പ്പിക്കുകയും ചെയ്തു.
കാര്‍ തട്ടിയെടുത്ത് ജോംഗിംഗ് നടത്തുകയായിരുന്ന ഒരു പോലീസുകാരനെ വെടിവച്ചുകൊന്നു. തുടര്‍ന്ന് ട്രെബ് നഗരത്തിലെത്തി ഒരു സൂപ്പര്‍മാര്‍ക്കറ്റില്‍ കയറി നിരവധിപ്പേരെ ബന്ദികളാക്കി. ഒരു പോലീസുകാരന്‍ ഒഴികെയുള്ള ബന്ദികളെ പിന്നീട് വിട്ടയച്ചു. സ്ഥലത്തെത്തിയ ഭീകരവിരുദ്ധ സ്‌ക്വാഡുമായുള്ള ഏറ്റുമുട്ടലിനിടെ പോലീസുകാരനെ വധിച്ചു. അക്രമിയുടെ പക്കല്‍ തോക്ക്, ഗ്രനേഡ്, കത്തികള്‍ എന്നിവയുണ്ടായിരുന്നുവെന്ന് ദൃക്‌സാക്ഷികള്‍ പറഞ്ഞു.
യൂറോപ്യന്‍ യൂണിയന്‍ യോഗത്തിനായി ബ്രസല്‍സിലെത്തിയ പ്രസിഡന്റ് ഇമ്മാനുവല്‍ മാക്രോണ്‍ ആക്രമണത്തിന്റെ പശ്ചാത്തലത്തില്‍ പാരീസിലേക്കു തിരിച്ചു. തീവ്രവാദ ആക്രമണങ്ങള്‍ വര്‍ധിച്ചതിനെത്തുടര്‍ന്ന് 2015 മുതല്‍ ഫ്രാന്‍സില്‍ അതീവ ജാഗ്രത പ്രഖ്യാപിച്ചിരിക്കുകയാണ്.
https://www.facebook.com/Malayalivartha
